ریاست مہاراشٹر کے اورنگ آباد میں معروف افسانہ نگار عارف خورشید کی یاد میں عالم گیر ادب کی جانب سے جلسہ تہنیت کا اہتمام کیا گیا، پروگرام میں اردو ادب کے گیسو سنوارنے والی تین ادبی شخصیات کو اعزاز سے نوازا گیا۔جن میں ڈاکٹر ارتکاز افضل، سعید خان زیدی اور رضا جالنوی شامل ہیں۔
اورنگ آباد کے معروف دانشور و شاعر ڈاکٹر ارتکاز افضل، رضا جالنوی اور مزاح نگار سعید خان زیدی کی ادبی خدمات کے اعتراف میں عالم گیر ادب کی جانب سے ایک روزہ جلسہ ہوا۔
اس جلسے میں صاحب اعزاز حضرات کی ادبی خدمات پر روشنی ڈالی گئی، ان کے کارہائےنمایاں کا اعتراف کیا گیا اور تینوں ادبی شخصیتوں کو تہنیت پیش کی گئی انھیں اعزاز سے نوازا گیا۔
اس موقع پر ڈاکٹر ارتکاز افضل نے کہا کہ ایک تربیت یافتہ معاشرے کی تشکیل کے لیے تعلیم کی تربیت سے وابستگی لازمی ہے۔
مزید پڑھیں: مہاراشٹر میں مسلمانوں کو بھی ریزرویشن کا حق ملنا چاہیئے: اشوک چوہان
اس جلسے کی صدارت ماہر تعلیم احمد اقبال سر نے کی اور نظامت کے فرائض جاوید صدیقی نے انجام دیئے، معروف شاعر رضا جالنوی کا کہنا ہےکہ ایسے پروگرام نئی نسلوں کی حوصلہ افزائی میں کلیدی کردار ادا کرتے ہیں۔
