لکھیم پور: آسام کے لکھیم پور ضلع کے روہی راج گڑھ میں جھڑپوں کے بعد آسام-اروناچل پردیش سرحد کے ساتھ متنازعہ علاقوں میں کشیدگی کا ماحول ہے۔ موصولہ اطلاعات کے مطابق، اروناچل پردیش کے شرپسندوں کے ایک گروپ نے آسام کے لکھیم پور ضلع کے روپی راج گڑھ علاقے میں مبینہ طور پر ایک ولیج ڈیفنس دل (وی ڈی پی ) پر حملہ کیا۔ Assam Arunachal Border Row
پولیس نے بدھ کو بتایا کہ اس حملے میں کم از کم چھ افراد زخمی ہوئے ہیں۔ اس واقعے کے بعد آسام-اروناچل پردیش بین ریاستی سرحد پر کشیدگی برقرار ہے۔ دریں اثنا، آل آسام اسٹوڈنٹس یونین (اے اے ایس یو) نے بھی اروناچل پردیش کی طرف جانے والی مرکزی شاہراہ پر روڈ بلاک کر دیا ہے۔
واضح رہے کہ وی ڈی پی اہلکاروں نے اروناچل پردیش کے چار نوجوانوں سے اس علاقے میں ایک گاڑی میں گھومتے ہوئے پائے جانے کے بعد پوچھ گچھ کی تھی۔ اروناچل پردیش کے عہدیداروں کی طرف سے مجرموں کے خلاف یقین دہانی کے بعد اے اے ایس یو نے روڈ بلاک ہٹا دیا۔
یو این آئی
