مغربی بنگال کے مشرقی بردوان ضلع کے مسلم اکثریتی لوک سبھا حلقہ آسنسول میں ترنمول کانگریس کے امیدوار شتروگھن سنہا کی ریکارڈ جیت کے بعد وزیراعلیٰ ممتا بنرجی نے آج ووٹرس کا شکریہ ادا کرنے لیے آسنسول کا دورہ کیا جہاں انہوں نے ایک جلسے کو خطاب کرتے ہوئے کہا کہ 'مرکزی حکومت کو نوکری دینی ہے تو پچاس سال کے لیے دے چار سال کے لیے نہیں، ممتا بنرجی نے اگنی پتھ اسکیم کے تحت فوج میں بھرتی اور چار سال بعد ریٹائرمنٹ کی پالیسی کو ہدف تنقید بنایا، انہوں نے کہا کہ چار سال بعد ریٹائر ہونے والوں کو مرکزی حکومت نوکری دے۔ Mamata Banerjee visit to Asansol
وزیراعلیٰ ممتا بنرجی نے کہا کہ فوج کے ایک ریٹائرڈ کرنل نے انہیں خط لکھ کر اگنی پتھ اسکیم سے متعلق کئی اہم باتیں بتائی ہے، ان میں سب سے بڑا سوال یہ ہے کہ چار سال بعد ان نوجوانوں کا کیا ہوگا، نوجوانوں کو یوں چھوڑا نہیں جا سکتا ہے کیونکہ وہ سب تربیت یافتہ ہوں گے، ممتا بنرجی کے مطابق مرکزی حکومت بھی اگنی پتھ اسکیم کو لے کر واضح طور پر کچھ نہیں بتاتی ہے اور ریاستی حکومت اس سلسلے میں کچھ نہیں کرسکتی ہے۔
مزید پڑھیں: ضمنی انتخابات میں ممتابنرجی کا کوئی مقابلہ نہیں کرسکتا: احتشام الحق
ممتا بنرجی نے کہا کہ بی جے پی کی قیادت والی مرکزی حکومت نے 2024 کے لوک سبھا انتخابات کے مدنظر اس منصوبے کو منظر عام پر لائی ہے۔ انہوں نے بی جے پی پر نوجوانوں کو ووٹ بینک کے طور پر استعمال کرنے کا بھی الزام عائد کیا۔
