کشمیر کے معروف میڈیکل سٹور کے مالک مکھن لال بندرو کی ہلاکت پر انکے اہلہ خانہ غم زدہ ہیں اور اس ہلاکت پر شدید غم و غصے کا اظہار کیا۔
سرینگر کے سنوار علاقے میں بندرو کی رہائش گاہ پر لواحقین کے ساتھ اظہار ہمدردی کرنے کے لئے مقامی لوگوں، پولیس اور سول انتظامیہ کا تانتا بندھا رہا۔
ہلاک شدہ بندرو کے فرزند ڈاکٹر سدھارتھ بندرو نے کہا کہ 'پورا خاندان اس وقت صدمے میں ہیں اور انہیں افسوس ہے کہ اس معصوم شخص کی ہلاکت کی گئی جنہوں نے پوری عمر وادی میں عام لوگوں کی خدمت کی۔ '
واضح رہے کہ پولیس کے مطابق سرینگر کے اقبال پارک پر واقع بندرو میڈکیٹ کے مالک پنڈت ماکھن لال بندرو پر مبینہ طور پر نامعلوم عسکریت پسندوں نے گزشتہ شام 7:20 منٹ پر گولیاں چلائیں جس کے نتیجے میں وہ ہلاک ہوگئے۔
اس واقعے پر عام وادی کے عوام نے اظہار افسوس کیا اور لواحقین کے ساتھ ہمدردی دکھائی ہے۔ وہیں سیاسی جماعتوں نے اس واقعے کی مذمت کرتے ہوئے بندرو کی ہلاکت پر افسوس کا اظہار کیا۔
