این آئی اے کا شوپیان کے مختلف مقامات پر چھاپہ :NIA Raids in Shopian

قومی تحقیقاتی ایجنسی(National Investigation Agency) کی طرف سے آج صبح سے ضلع شوپیان کے وچی علاقے اوربڈگام ضلع میں پانچ مقامات پر چھاپہ مار کاروائیاں(NIA Raids in Shopian) انجام دی گئی۔

قومی تحقیقاتی ایجنسی (NIA) نے آج صبح لکھنؤ اترپردیش کے القاعدہ کیس نمبر (RC-02/2021/NIA/LKW) کے سلسلہ میں میں وادی کشمیر کے مختلف مقامات پر چھاپہ مارے۔اس دوران این آئی اے نے بڑی تعداد میں دستاویزات اور ڈیجیٹل آلات(Documents & Digital Devices Seized) ضبط کیے ہیں۔

تحقیقاتی ایجنسی کے ایک بیان کے مطابق لکھنؤ اترپردیش کے القاعدہ کیس کے سلسلہ( Al-Qaeda Case ) میں این آئی اے نے وادی کشمیر کے شوپیان(Shopian) اور بڈگام اضلاع میں پانچ مقامات پر تلاشی کارروائی انجام دی ہے۔اس دوران تحقیات کے لیے کہی افراد کو پولیس اسٹیشن میں لے جاکر تحقیقات کی گئی۔

این آئی اے نے وچی علاقے میں ریاض احمد میر ولد نبی میر، شاہد احمد شاہ ولد شبیر احمد شاہ جو پیشہ سے دوکاندار ہے، محمد شابان کمار ولد محمد رمضان جو چیرمین اوقاف کمیٹی وچی ہے اور محمد شفیع شاہ ولد عبدالاحد شاہ کی رہائش گاہوں پر چھاپہ مارا۔

این آئی اے کے بیان کے مطابق یہ کارروائی القاعدہ کے ایک کارکن عمر ہلمندی سے متعلق ہے، جو دیگر ملزمان کے ساتھ مل کر عسکریی تنظیموں میں بھرتی کرتا تھا۔اس کے علاوہ انصار غزوت الہند(Ansaar Gajwatul Hind) کو بڑھانے کی کوشش کر رہا تھا۔

این آئی اے نے اپنے بیان میں بتایا کہ تازہ چھاپہ مار کاروائیوں کے دوران بڑی تعداد میں دستاویزات اور ڈیجیٹل آلات ضبط کیے گئے ہیں۔ جبکہ کیس میں مزید تفتیش جاری ہے