منگل کی صبح بکروال طبقہ سے تعلق رکھنے والے افراد بھیڑوں کے ریوڑ کے ساتھ جنوبی کشمیر کے پانپور قصبہ سے نیوہ، پلوامہ جارہے تھے تاہم ضلع کے مالوری، نیوہ کے قریب ایک تیز رفتار ٹپر نے ریوڑ کو کچل ڈالا۔
عینی شاہدین نے بتایا کہ حادثے میں ریوڑ لے جارہے چرواہے بال بال بچ گئے تاہم ٹپر کی زد میں آکر 14 بھیڑ ہلاک جب کہ 10زخمی ہوگئیں۔
حادثے کے بعد بکروال طبقہ سے وابستہ افراد نے احتجاجاً سڑک پر ٹریفک کی نقل وحمل بند کردی۔
متاثرہ افراد نے ای ٹی وی بھارت کے ساتھ بات کرتے ہوئے کہا کہ تیز رفتار ٹپر ریوڑ کو کچل کر بھاگ نکلنے میں کامیاب ہوگئی۔
مزید پڑھیں؛ پلوامہ: اسلامک یونیورسٹی میں کرکٹ ٹورنامنٹ کا انعقاد
متاثرین نے انتظامیہ سے ٹپر ڈرائیور کے خلاف کارروائی کا مطالبہ کرتے ہوئے انہیں معاوضہ فراہم کیے جانے کی بھی اپیل کی ہے۔
پلوامہ پولیس نے موقع پر پہنچ کر قانونی کارروائی شروع کردی ہے۔ پولیس کے مطابق ٹپر ڈرائیور کی تلاش شروع کردی گئی ہے۔
