کپوارہ میں دلدوز سڑک حادثہ، آٹھ ماہ کا بچہ اور 90سالہ بزرگ شہری ہلاک

شمالی کشمیر کے ضلع کپوارہ میں ایک دلدوز سڑک حادثے کے دوران آٹھ ماہ کا بچہ اور ایک 90سالہ بزرگ شہری ہلاک ہو گئے جبکہ حادثے میں آٹھ دیگر افراد شدید زخمی ہو گئے۔

ضلع کپوارہ کے سرحدی علاقہ کرناہ میں جمعرات کو ایک مسافر بردار گاڑی جبڈی علاقے میں حادثے کا شکار ہو گئی۔

حادثے میں آٹھ ماہ ایک بچہ اور 90سالہ بزرگ شہری موقع پر ہی ہلاک ہو گئے جبکہ گاڑی میں سوار آٹھ دیگر افراد شدید زخمی ہو گئے۔

زخمی افراد کو فوری طور ٹنگڈار اسپتال پہنچایا گیا جہاں بعض زخمیوں کی حالت تشویشناک بنی ہوئی ہے۔

حادثے میں فوت ہونے والے افراد 90سالہ صدر علی شاہ اور آٹھ ماہ کا بچہ عفان بھی شامل ہے۔

پولیس نے اس ضمن میں کیس درج کرکے مزید کارروائی شروع کر دی ہے۔