یادگیر: ریاست کرناٹک کے ضلع یادگیر میں واقع اولڈ گیسٹ ہاؤس میں کل ہند مجلس اتحادالمسلمین کے رہنما عبدالرحیم مرچی سیٹھ نے کہاکہ کرناٹک اسمبلی انتخابات2023 میں اے آئی ایم آئی ایم اپنی پوری طاقت کے ساتھ الیکشن لڑے گی۔اس کی تمام ترتیاریاں جاری ہے۔اس مرتبہ نوجوانوں کی بھرپور حمایت کرنے کا فیصلہ کیا گیا ہے۔ کل ہند مجلس اتحاد المسلمین کلیان کرناٹک کے صدر عبدالرحیم مرچی سیٹھ نے کہاکہ ہماری پارٹی اپنی پوری قوت کے ساتھ انتخابی میدان میں اترے گی۔ہمیں یقین ہے کہ کرناٹک کی عوام ہماری حمایت میں سڑکوں پر اترے گی۔
انہوں نے کل ہند مجلس اتحادالمسلمین کے قائدین سے اپیل کرتے ہوئے کہا کہ گھر گھر جا کر کل ہند مجلس اتحاد اے آئی ایم آآئی ایم کی جانب سے کئے گئے کاموں کی تشہیر کریں۔ یادگیر میں کل ہند مجلس اتحادالمسلمین کے امیدوار کے سوال پر انہوں نے کہا کہ یادگیر ایک پسماندہ ضلع ہے۔ تعلیم اور روزگار یہاں کے اہم مسائل ہیں۔ ہماری پارٹی ان سب مسائل پر زیادہ توجہ دے گی۔ کل ہند مجلس اتحادالمسلمین یادگیر کے صدر عبدالکریم ٹیپو یادگیر میں گزشتہ کئی سالوں سے عوامی خدمت کرتے آرہے ہیں۔یادگیر سٹی اسمبلی حلقے سے 6 امیدواروں نے درخواست دی ہے ۔ہم نے یہاں کی رپورٹ پارٹی کے اعلی ذمہ داران کو بھیج دی ہے۔ علاقہ کلیان کرناٹک جس میں چھ اضلاع اور 41 اسمبلی سیٹ ہیں۔
یہ بھی پڑھیں:Karnataka Seer on Hindutva تمام ہندوؤں کو ہندوتوا سے اتفاق کرنا چاہیے، سوامی سیر سبودیندر تھیرتھا
