جموں:بھارت جوڑو یاترا آج جموں و کشمیر کے سرمائی داراحکومت جموں داخل ہوگی۔ اس بیچ نیشنل کانفرنس کے سربرست اعلیٰ ڈاکٹر فاروق عبداللہ سینیئر لیڈارن اور پارٹی کے عہدیداروں کے ساتھ جموں سے لکھن پور کی اور روانہ ہوئے تھے۔ ڈاکٹر فاروق عبداللہ نے لکھن پور میں راہل گاندھی کا استقبال کیا۔
واضح رہے راہل گاندھی جموں وہ کئی ایک مقامات پر عوامی اجتماعات سے خطاب بھی کریں گے۔ جموں کے ستواری علاقے میں بھی راہل گاندھی کا عوامی ریلی سے خطاب کرنے کا پروگرام ہے جس کو مد نظر رکھتے ہوئے سپیشل کمانڈوز (ایس پی جی) کو تعینات کیا گیا ہے ۔
سکیورٹی فورسز نے جموں شہر کو فوجی چھاونی میں تبدیل کیا گیا جبکہ صوبے جموں میں ناکوں کا جال بچھایا گیا تاکہ کسی بھی نا خوشگوار واقعے کو رونما ہونے سے پہلے ہی ٹالا جاسکے۔سیکورٹی ذرائع نے بتایا کہ راہل گاندھی جمعرات کی شام کو جموں کے حدود میں داخل ہونگے۔
مزید پڑھیں: Bharat Jodo Yatra in Kashmir بھارت جوڑو یاترا آج جموں و کشمیر میں داخل ہوگی
واضح رہے کہ بھارت جوڑو یاترا، انڈین نیشنل کانگریس کی طرف سے شروع کی گئی ایک عوامی تحریک ہے۔ کانگریس کے رہنما راہُل گاندھی، پارٹی کیڈر اور عام لوگوں کو پیدل چلنے کے لیے متحرک کر کے اس تحریک کو منظم کر رہے ہیں۔ یہ یاترا کنیا کماری، جزیرہ نما کے جنوبی سرے سے جموں و کشمیر تک چلے گی جو 150 دنوں میں 3570 کلومیٹر پر محیط ہے۔
