گاندربل: وسطی کشمیر کے ضلع گاندربل میں ہٹ اینڈ رن کیس میں ملوث ڈرائیور کو پولیس نے گرفتار کیا ہے۔ پولیس کے مطابق ڈرائیور نے ایک شخص کو گاڑی سے ٹکر مار کر ہلاک کیا اور موقع سے فرار ہوا تھا۔
پولیس بیان کے مطابق 26 اکتوبر کو نیسبل، علاقہ میں ایک نامعلوم گاڑی ڈرائیور نے ایک موٹر سائیکل سوار کو ٹکر مار کر موقع سے فرار ہوا تھا۔ اس حادثہ میں موٹر سائیکل سوار ہلاک ہوا تھا جن کی شناخت منظور احمد کلو کے طور پر ہوئی تھی۔ پولیس نے اس معاملے کی نسبت سے ایک کیس درج کیا اور تفتیش کے دوران پولیس نے ہٹ اینڈ ران معاملے کو حل کر کے ملزم ڈرائیور کو گرفتار کیا ہے۔گرفتار ڈرائیور کی شناخت غلام حسن کاندرو ساکن اشائی باغ نگین سرینگر کے طور پر ہوئی ہے ۔پولیس نے مذکورہ ڈرائیور کی گاڑی کو بھی ضبط کیا ہے۔
مزید پڑھیں: Biker Dies in Ganderbal گاندربل میں موٹر سائیکل سوارسڑک حادثہ میں ہلاک
