Congress slams govt over inflation: مہنگائی، بے روزگاری پر راہل، پرینکا کی وزیر اعظم پر تنقید

کانگریس کے سابق صدر راہل گاندھی اور اتر پردیش پارٹی کی جنرل سکریٹری انچارج پرینکا گاندھی نے وزیر اعظم نریندر مودی پر نکتہ چینی کرتے ہوئے کہا کہ انہیں مہنگائی اور بے روزگاری نظر نہیں آتی اور وہ لوگوں کو گمراہ کر رہے ہیں۔ Rahul and priyanka slams PM Modi over high inflation

دہلی: کانگریس کے سابق صدر راہل گاندھی اور پرینکا گاندھی نے مہنگائی اور بے روزگاری سے متعلق وزیر اعظم نریندر پر سخت نکتہ چینی کی۔ انہوں نے کہا کہ وزیر اعظم مودی کو عوام کوگمراہ کرنے، توہم پرستی پھیلا کر عوامی مفاد کے خلاف اپنے کاموں کو چھپانے کی کوشش کرنے کے بجائے عوام کو جواب دینا چاہیے۔

راہل گاندھی نے کہا 'وزیر اعظم کو مہنگائی نظر نہیں آتی، بے روزگاری نظر نہیں آتی، اپنے کالے کارناموں کو چھپانے کے لیے ’کالا جادو‘ جیسی توہم پرستانہ باتیں کر کے وزیر اعظم کے عہدے کے وقار کو گرانا اورملک کو گمراہ کرنا بند کیجئے، وزیراعظم جی۔ عوام کے مسائل کا جواب دینا ہی پڑے گا'۔

اسی کے ساتھ ہی پرینکا گاندھی نے مہنگائی کے تعلق سے وزیر اعظم نریندر مودی پر تنقید کرتے ہوئے کہا کہ آپ ادھر ادھر کی بات نہ کریں، بتائیے مہنگائی بڑھا کر کیوں لوٹا، عوام کو کالے کپڑوں سے گلہ نہیں، آپ کی رہبری پر سوال ہے۔