وسطی کشمیر کے ضلع بڈگام میں پولیس نے دو افراد کو غیر قانونی طریقے سے شراب بیچنے کے سلسلے میں گرفتار کیا ہے۔ جن کی تحویل سے 23 بوتل غیرقانونی شراب برآمد کی گئی۔
پولیس اسٹیشن خانصاحب کی جانب سے ایک پولیس پارٹی نمبلہ ہار ناکہ چیکنگ پر تعینات تھی۔ جس نے ایک آٹورکشا رجسٹریشن نمبر جے کے 01 وی 1751 (JK01V_1751) کو روکا۔ جس میں آٹورکشا ڈرائیور سمیت دو افراد سوار تھے۔ اس کی تلاشی لینے پر پولیس نے 23 بوتل غیرقانونی شراب ان سے ضبط کی۔
پولیس نے گرفتار شدہ افراد کی شناخت شیراز احمد پال ولد خضر محمد پال ساکنہ چھانہ پورہ سرینگر اور نِرنجن کمار ولد پرمانند کمار ساکنہ شیونارائن پورہ بھاگلپور بہار کے طور پر کی ہے۔
یہ بھی پڑھیے
جموں: یوم جمہوریہ کے پیش نظر سیکیورٹی میں اضافہ
اس ضمن میں پولیس اسٹیشن خانصاحب میں ایف آئی آر زیرِ نمبر 06/2021 درج کی گئی ہے اور تفتیش شروع کر دی گئی ہے۔
