اوڑی(بارہمولہ): شمالی کشمیر کے ضلع بارہمولہ کے سرحدی علاقے اوڑی کے جنگلوں میں بھیانک آگ لگ گئی ہے۔آگ لگنے سے لوگوں میں تشویش اور خوف کا ماحول پیدا ہوا ہے۔ مقامی لوگوں کے مطابق اوڑی کہ جنگلوں میں اگ لگنے سے سر سبز سونے اور جنگلی حیاتات کو کافی نقصان ہوا ہے۔ جن جنگلوں میں اگ لگی ہے، ان میں سونگ گلی ، درد کوٹ ،سلام آباد ، دولانجا ، ککمل کوٹ علاقے ہیں۔مقامی لوگوں نے مطابق آگ لگنے سے سیکڑوں کی تعداد میں پیڑ پودے جل کر راکھ میں تبدل ہوگئے ہے۔
وہیں محکمہ جنگلات، محکمہ وائلد لائف اور مقامی لوگ آگ بجھانے کی کوشش کر رہے ہے، تاہم آگ پر قابو نہیں پایا گیا۔ ایک مقامی شخص مہتاب شیخ نے بتایا کہ جنگلوں میں آگ دور دور علاقوں سے دکھائی دے رہا ہے۔انہوں نے کہا کہ محکمہ جنگلات کو تمام تر وسائل کو استعمال میں لاکر اس آتشزدگی پر جلد از جلد قابو کرنا چاہیے، ورنہ ان جنگلوں کو کافی نقصان ہوگا۔
مزید پڑھیں:
واضح رہے کہ جموں و کشمیر خاص کر وادی کشمیر میں خوشک موسم ہونے کی وجہ سے جنگلوں میں آگ لگنے کے واقعات رونما ہوئے ہے۔ماہر موسمیات کے مطابق عام طور پر اس سیزن میں جنگلوں میں آگ نہیں لگتی ہے لیکن ماہ دسبر سے کشمیر اور صوبہ جموں کے کچھ حصوں میں خشک موسم چل رہا ہے جو جنگلوں میں آگ کی وارداتوں میں اضافے کا باعث ہوسکتی ہے۔
