جنوبی کشمیر کے ضلع اننت ناگ کے کوکرناگ کے لارنو علاقے میں ہفتے کی صبح عسکریت پسندوں اور سکیورٹی فورسز کے مابین فائرنگ کا تبادلہ ہوا جس میں ایک عسکریت پسند کے ہلاک ہونے کی اطلاع ہے۔
ایک عہدیدار نے بتایا کہ پولیس، فوج کی 19 آر آر اور سی آر پی ایف کی مشترکہ ٹیم نے علاقے میں عسکریت پسندوں کی موجودگی کی اطلاع پر کورڈن اور سرچ آپریشن شروع کیا۔
انہوں نے بتایا کہ جب فورسز کی مشترکہ ٹیمیں مشتبہ مقام کی طرف پہنچی تو چھپے ہوئے عسکریت پسندوں نے ان پر فائرنگ کر دی جس پر سکیورٹی فورسز نے جوابی کارروائی کرتے ہوئے فائرنگ کی اور تصادم شروع ہو گیا۔ اس دوران ایک عسکریت پسند ہلاک ہو گیا۔
سکیورٹی فورسز نے ایک اے کے 47 رائفل، تین میگزین اور ایک ہینڈ گرینیڈ برآمد کیا ہے۔
سکیورٹی فورسز علاقے میں سرچ آپریشن چلا رہی ہے۔
ذرائع کے مطابق علاقے میں دو سے تین عسکریت پسندوں کے چھپے ہونے کی اطلاع پر پولیس سرچ آپریشن کر رہی ہے۔
