بنگلورو:کرشنا نے آخری بار اگست 2022 میں زمبابوے کے دورے پر ہندوستان کی نمائندگی کی تھی، جہاں انہوں نے 6.1 اوورز میں 1/28 لیا تھا۔ اس کے بعد کرشنا کو ان کی کمر کے نچلے حصے میں اسٹریس فریکچر کی وجہ سے تقریباً چھ ماہ کے لیے دور رکھا گیا تھا۔
کے ایس سی اے ٹی20 سپر لیگ ٹورنامنٹ میں ماؤنٹ جوئے کرکٹ کلب کی طرف سے کھیلتے ہوئے کرشنا نے سرسید کرکٹرز کے خلاف چار اوورز میں 36 رن دے کر چار وکٹ لئے۔ تاہم ان کی یہ کوشش ان کی ٹیم کی 26 رنز کی شکست کو نہ روک سکی۔
ون ڈے ورلڈ کپ 2023 سے دو ماہ قبل کرشنا کی کرکٹ پچ پر واپسی ہندوستان کے لیے اچھی خبر ہے۔ طویل عرصے سے کرکٹ سے دور رہنے والے کرشنا اور جسپریت بمراہ آئندہ ماہ آئرلینڈ کے خلاف ٹی ٹوئنٹی سیریز کے ذریعے انٹرنیشنل کرکٹ میں واپس آسکتے ہیں۔
یہ بھی پڑھیں:Ashes 2023 اوپننگ جوڑی کی بدولت آسٹریلیا کی پوزیشن مضبوط
کرناٹک سے تعلق رکھنے والے 27 سالہ کرشنا پہلے ہی 14 ون ڈے میچوں میں 25 وکٹیں لے چکے ہیں۔ ان کی بہترین کارکردگی فروری 2022 میں آئی جہاں انہوں نے ویسٹ انڈیز کے خلاف 12 رنز دے کر چار وکٹیں حاصل کیں۔
یواین آئی
