روس کے وزیر صحت میخائل مراشکو نے بتایا کہ کورونا وائرس کے خلاف روس کے ذریعہ تیار کی گئی ویکسین کی پہلی کھیپ دو ہفتوں کے دوران مارکیٹ میں اتاری جا سکتی ہے۔
گذشتہ روز منگل کو روس نے اس ویکسین کو رجسٹرڈ کرایا تھا۔ اس طرح اسے دنیا کی پہلی کورونا ویکسین کہا جا سکتا ہے، جسے گمیلیا ریسرچ انسٹی ٹیوٹ اور روسی وزارت دفاع کے مشترکہ تعاون سے تیار کیا گیا ہے۔
وزیر صحت نے کہا کہ اس ویکسین کا استعمال کسی کے لیے لازمی نہیں ہو گا، جو بھی لینا چاہیں انہیں مہیا کرایا جائے گا۔
انہوں نے مزید کہا کہ روسی باشندوں پر ویکسین کی کامیابی کے بعد ملک سے باہر بھی بر آمد کیا جائے گا۔ ویکسین کو باہر بھیجنے کی مقدار موجود ہے، تاہم ملک کے لوگوں کو مہیا کرانا ان کی پہلی ترجیح ہے۔
