بڈگام پولیس کے مطابق گزشتہ روز ایک مخصوص اطلاع ملنے کے بعد کارروائی کرتے ہوئے ضلع کے خانصاحب علاقے سے ایک پرانی مورتی کو برآمد کیا گیا ہے۔ پولیس کے مطابق انہوں نے اس کی جانچ بڑتال کے لیے محکمہ آرکائیوز، آرکیالوجی اینڈ میوزیم جموں وکشمیر کے افسران کو بلایا ہے۔
پولیس نے کہا کہ جانچ پڑتال کے بعد یہ پتہ چلا کہ یہ مورتی بھگوان درگا کی ہے اور یہ 7 اور 8 اے ڈی یعنی قریب بارہ سو سال پرانی مورتی ہے۔
پولیس نے اس مورتی کو محکمہ آرکائیوز، آرکیالوجی اینڈ میوزیم جموں وکشمیر کے ڈپٹی ڈائریکٹر مشتاق احمد بیگ کے سپرد کی ہے۔
ایس ایس پی بڈگام طاہر سلیم، ایڈیشنل ایس پی بڈگام گوہر احمد اور ایس ڈی پی اور خانصاحب آتاب اوان نے اس مورتی کو مشتاق بیگ کے سپرد کردیا ہے۔
بتایا جارہا ہے کہ اس مورتی کو دریائے جہلم سے ہانڈریٹھن سرینگر میں تیرہ اگست کو کچھ مزدوروں نے دریا سے ریت نکالنے کے دوران نکالا تھا۔
یہ بھی پڑھیں:اہربل میں اہم ترین دریافت، کروڑوں برس پرانی فوسل سائٹ دریافت
پولیس نے گزشتہ روز اس مورتی کو خانصاحب سے تعلق رکھنے والے ایک شخص کے قبضہ سے حاصل کیا ہے۔
