مرکز کے زیر انتظام خطہ زیر انتظام جموں وکشمیر کی گرمائی دارلحکومت سرینگر میں بی جے پی کشمیر یونٹ کی جا نب سے چار ریاستوں میں پارٹی کی شاندار جیت پر ایک دوسرے کو مبارکباد پیش کی۔اور جیت کا جشن منا یا۔BJP Kashmir Unit Celebrates Landslide Victory in Four States
اس دوران بی جے پی کشمیر یونٹ کے ترجمان الطاف ٹھاکر نے کہا کہ بی جے پی کی اس شانداور جیت سے یہ بات ثابت ہو جاتی ہے بی جے پی ہی ملک کے سب سے بڑی اور مضبوط پارٹی ہے ۔جو سب کے ساتھ وکاس یعنی ترقی پر یقین رکھتی ہے ۔اور اسی نظریہ کی بدولت عوام نے ایک دفعہ پھر سے بی جے پی پر اعتماد کیا ہے۔
ہندوارہ
بی جے پی کی جیت پر پارٹی کے کارکنان نے ہندوارہ میں بھی جیت کا جشن منایا۔اور پارٹی کے اعلی رہنماؤں کو جیت کی مبارکباد پیش کی۔پارٹی کے کارکنان نے ایک دوسرے کو مٹھائی کھلاکر جیت کی مبارکباد ہیش کی۔
بی جے پی رہنما اور ایکزیکیٹیو ممبر غلام محمد میر نے ہندوارہ میں واقع رہائش گاہ پر پارٹی کے کارکنان سے تبادلہ خیال کیا ۔غلام محمد میر نے کہا کہ پورے ملک میں لوگ بھارتیہ جنتا پارٹی کی حکومت کی تعمیر و ترقی سے لوگ کافی خوش ہیں ۔اور اسی کا یہ نتیجہ ہے کہ ملک کی سب سے بڑی ریاست اترپردیش میں بی جے پی نے شاندار جیت درج کی ہے۔
بی جے پی کی ضلع مہیلا مورچہ کی صدر شکیلہ اختر نے بھی پارٹی کی جیت پر مسرت کا اظہار کرتے ہوئے کہا کہ اتر پر دیش میں اکثر یت کے ساتھ جیت درج ہونے پر ہندوارہ میں بھی جشن کا ماحول ہے
جموں
اترپردیش اسمبلی انتخابات میں بی جے پی کی جیت پر جموں میں بی جے پی کے یوٹی صدر سمیت کئی سئنر رہنماؤں نے جموں کے ترکوٹہ نگر ہیڈ کوارٹر پر جیت کا جشن منایا۔ اس موقع پر بی جے پی کے جموں وکشمیر یونٹ کے صدر رویندر رینہ نے کہاکہ خطہ میں اگلے چھ سے آٹھ ماہ کے دوران اسمبلی انتخابات ہونے ہیں۔
انہوں نے دعوی کیا کہ خطہ میں اسمبلی انتخابات میں بی جے پی شاندار جیت حاصل کرنے کے حکومت بنا ئےگی۔
انہوں نے مزید کہا کہ اُتر پردیش بی جے پی کو ملی شاندار جیت سے پارٹی کارکنان کے حوصلے بلند ہیں۔اور یہ دیگر جماعتوں کے لئے لمحہ فکریہ بھی ہے ۔
مزید پڑھیں:Muslim Women on BJP's Victory: بی جے پی کی جیت کے جشن میں مسلم خواتین شامل
انہوں نے مزید کہا کہ وزیر داخلہ امیت شاہ نے اس حوالے سے واضح کیا ہے کہ حد بندی عمل مکمل ہونے کے فوراً بعد جموں وکشمیر میں انتخابات منعقد کئے جائینگے۔
