سرینگر کے کشمیر انٹرنیشنل کانووکیشن سینٹر میں جموں و کشمیر کے لیفٹیننٹ گورنر منوج سنہا نے جموں و کشمیر فلم پالیسی 2021 کو جاری کرتے ہوئے کہا کہ "یہ ایک اہم قدم ہے اور اس سے وادی میں فلموں کی شوٹنگ کا سلسلہ دوبارہ شروع ہوگا۔
منوج سنہا نے مزید کہا کہ "مجھے یقین ہے کہ وہ سنہری دن دوبارہ لوٹ آئیں گے جس کے لیے کشمیر کبھی جانا جاتا تھا۔ جموں و کشمیر انتظامیہ بالی ووڈ کو کشمیر میں دوبارہ زندہ کرنے کی پوری کوشش کررہا ہے اور فلمی پالیسی اس کی طرف ایک قدم ہے۔"
اس موقع پر بالی ووڈ اداکار عامر خان کا کہنا ہے کہ اُنہوں نے کشمیر جیسی خوبصورت جگہ کہیں نہیں دیکھی ہے۔
اُن کا کہنا ہے کہ "یہاں کے لوگ اس خوبصورت جگہ سے زیادہ خوبصورت ہیں۔ مجھے خوشی ہے کہ ہم یہاں شوٹنگ کے لیے آئے ہیں۔ میرا خواب ہے کہ میں ایک دن کشمیر کی اپنی فلمیں اور یہاں کی اپنی فلم انڈسٹری دیکھوں۔"
مزید پڑھیں:جموں و کشمیر: فلم پالیسی سے مقامی فلم سازوں کے لیے روزگار کے مواقع پیدا ہوں گے
ہم آپ کو بتادیں کہ جموں وکشمیر سال 1989 تک فلم سازوں کے لیے شوٹنگ کا ترجیحی مقام تھا لیکن بعد میں نامساعد حالات کی وجہ سے یہاں فلموں کی شوٹنگ کا سلسلہ بند ہوگیا جو اب رفتہ رفتہ بحال ہونے لگا ہے۔
