سرینگر: خصوصی مہم کے تحت ڈل جھیل کی صفائی

ڈل جھیل کے تحفظ اور صفائی پر ہر برس نئے منصوبے اور پروجیکٹ ترتیب دیئے جاتے ہیں تاکہ گندگی اور خوردو گھاس پھوس سے ڈل کو صاف رکھا جائے۔ جھیل میں لیلی اور بے تحاشا ویڈ اگ آنے کی سب سے بڑی وجہ جھیل ڈل کے ایک بڑے حصے پر آباد بستیوں سے نکلنے والا گندہ مواد ہے جو کہ سیدھے اسی کی نظر کیا جاتا ہے۔

ڈل جھیل کو اس گھاس پوس اور خودرو پودوں نے ڈھک لیا ہے۔ جس سے یہ جھیل کم اور گھاس پھوس کا میدان زیادہ نظر آرہا ہے۔حالانکہ اس لیلی اور دیگر ویڈ کو جڑ سے اکھاڑنے کے لیے ہر برس لیکس اینڈ واٹر ویز ڈیولپمینٹ اتھارٹی کی جانب سے صفائی ستھرائی تو کی جاتی ہے، لیکن اس مرتبہ اندرون اور بیرون ڈل کی بڑے پیمانے پر صفائی مہم چلائی جارہی ہے۔

جھیل کی صفائی ستھرائی کے لئے ان جدید مشینوں کا سہارا لیا جارہا ہے جو کہ اس لیلی اور ویڈ کو مکمل طور پر اکھاڑ پھینکنے کی صلاحیت رکھتی ہیں اور یہ روایتی طرز کی مشینوں کے مقابلے میں زیادہ مؤثر اور کارگر بتائی جارہی ہیں۔ اس کے علاوہ اس جھیل کی صفائی کے لئے 4 سو سے زائد مزدوروں کو کام پر لگایا ہے۔ روزانہ تقریباً 120 میٹرک ٹن گھاس پھوس اور ڈیڑھ ٹن سے زائد کچرا نکالا جاتا ہے۔جھیل ڈل کے تحفظ اور صفائی پر ہر برس نئے منصوبے اور پروجیکٹ ترتیب دیئے جاتے ہیں تاکہ گندگی اور اس خوردو گھاس پھوس سے ڈل کو صاف رکھا جائے۔ جھیل میں لیلی اور بے تحاشا ویڈ اگ آنے کی سب سے بڑی وجہ جھیل ڈل کے ایک بڑے حصے پر آباد بستیوں سے نکلنے والا گندہ مواد ہے جو کہ سیدھے اسی کی نظر کیا جاتا ہے۔ ڈل کے ایک بڑے حصے کی اگرچہ صفائی کی گئی ہے تاہم ابھی بھی کئی حصوں کی صفائی کرنا باقی ہے۔ سینیئر عہدیداران اور وی سی لاؤڈ ڈاکٹر بشیر احمد اس خاص صفائی مہم کی نگرانی کررہے ہیں۔

جھیل ڈل کو صاف و پاک رکھنے کے لئے گزشتہ برس جھیل ڈل میں موجود ہاؤس بوٹس میں ایک خاص پروجیکٹ کے تحت بائیو ڈائجیسٹر نصب کرنے کا فیصلہ کیا گیا۔ اس منصوبے کے تحت نگین جھیل میں کام شروع کیا جاچکا ہے جب کہ ڈل میں موجود ہاؤس بوٹس میں بھی بائیو ڈائجیسٹر نصب کرنے کے منصوبے پر کام بہت جلد شروع کیا جارہا ہے۔

لیکس اینڈ واٹر ویز ڈیولپمینٹ اتھارٹی ایک اہم پیش رفت کے تحت آنے والے دنوں میں ڈل کے کنارے خاص پانچ مقامات پر ڈسپلے یونٹ نصب کرنے جارہا ہے جس کے ذریعے عام شہری بھی ماہانہ بنیاد پر پانی کے معیار اور ڈل جھیل کی صحت سے متعلق واقفیت حاصل کرسکیں گے۔