بھارتیہ جنتا پارٹی جموں وکشمیر میں ہونے والے اسمبلی انتخابات کے لیے پوری طرح تیار ہے اور پی ڈی پی صدر محبوبہ مفتی بے وقت اچھل کود کر رہی ہیں۔ ان خیالات کا اظہار بی جے پی ترجمان الطاف ٹھاکر نے آج ٹاون ہال ترال میں منعقدہ ایک تقریب کے بعد میڈیا سے بات کرتے ہوئے کیا۔
انہوں نے کہا کہ پی ڈی پی دہلی میں ایک بات کرتی ہے، جبکہ سرخیوں میں رہنے کے لیے یہاں آکر الگ طرح کی بیان بازی کر رہی ہے۔
الطاف ٹھاکر نے مزید کہا کہ محبوبہ مفتی حقائق سے پردہ پوشی کر رہی ہیں، لیکن اب کی بار بھاجپا پوری طرح الیکشن لڑنے کے لیے تیار ہے اور انھیں امید ہے کہ اسمبلی انتخابات جلد ہی منعقد ہوں گے، تاکہ ایک عوامی حکومت تشکیل دی جا سکے ۔
مزید پڑھیں:
پلوامہ: منظور خان میونسپل کمیٹی ترال کے صدر منتخب
انہوں نے کہا کہ بیوروکریسی جمہوریت کا متبادل نہیں ہے، جمہوریت میں عوام کے مسائل زیادہ بہتر ڈھنگ سے حل ہوتے ہیں اور اس ضمن میں پردیش بی جے پی بالکل تیار ہیں اور انہیں یقین ہے کہ جلد ہی جموں و کشمیر میں اسمبلی انتخابات منعقد ہو جائیں گے۔
