جموں و کشمیر میں کورونا کیسز Coronavirus Cases in Jammu and Kashmir میں اضافے کے بعد سرینگر ضلع مجسٹریٹ محمد اعجاز کی جانب سے جاری کی ے گئے حکمنامہ میں کہا گیا ہے کہ 4 زون میں آنے والے 13 علاقوں میں محدود پابندیاں عائد کی گئی ہیں۔
میڈیکل زون بٹہ مالو کے 4 علاقے، نیو ایئر پورٹ روڈ پیر باغ نزدیک جے کے پبلک اسکول میں 4، بال گارڈن نزدیک ماڈرن پبلک سکول بٹہ مالو میں 5، عمر آباد سیکٹر اے پیر باغ میں 4 اور باغ حیدر، حیدر پورہ میں 3 فعال کیسز ہیں۔
ادھر میڈیکل زون خانیار میں 5 علاقوں کو محدود پابندی والے کے زمرے میں لایا گیا ہے جن میں چودھری باغ رعناواری میں 3، بھشمبر نگر خانیار نزدیک علمدار مسجد میں 5، منور آباد نزدیک ہوٹل اخوان میں 3، سونہ وار نزدیک روز ووڈ سکول میں 3، مغل محلہ رعناواری میں 5 معاملات سامنے آئے ہیں۔ میڈیکل زون حضربل کے ملہ باغ میں 3 معاملات ہیں۔
اسی طرح میڈیکل زون زڈی بل میں 3 علاقوں پر محدود پابندیاں عائد کی گئی جن میں محبوب کالونی حول میں 3، سید کالونی زکورہ نزدیک آنگن واڑی سینٹر میں 6، غوثیہ لین اے عمر کالونی متصل غوثیہ مسجد میں 4 معاملات ہونے کی وجہ سے محدود پابندی والے علاقوں میں شامل کیا گیا ہے۔
