لکشدیپ کے ایڈمنسٹریٹر دینیشور شرما چنئی کے ایک اسپتال میں زیر علاج تھے، جہاں انکا آج انتقال ہوگیا، دنیشور شرما نے بھارت کی پولیسنگ اور سیکیورٹی انتظامات میں نمایاں خدمات انجام دی ہیں۔
انہوں نے اپنے پولیس کیریئر کے دوران انسداد دہشت گردی اور متعدد حساس مقامات پر تصادم کے دوران بہترین اقدامات اٹھانے کی وجہ سے کافی شہرت حاصل کی اور کئی ایوارڈ بھی اپنے نام کیے۔
دینیشور شرما کے انتقال سے غمزدہ ان کے اہل خانہ سے تعزیت کرتے ہوئے وزیر اعظم نریندر مودی اور عمر عبداللہ نے تعزیت کرتے ہوئے ٹویٹ بھی کیا ہے۔
دینیشور شرما کو گذشتہ برس اکتوبر میں یونین ٹریٹری کا ایڈمنسٹریٹر مقرر کیا گیا تھا۔ انڈین پولیس سروس (آئی پی ایس) کے افسر شرما کا تعلق کیرالہ کیڈر سے تھا۔ سنہ 1979 سے انھوں نے اپنے فرائض کو انجام دینا شروع کیا تھا۔
انہوں نے 2014 میں آئی بی کے 25 ویں ڈائریکٹر کے طور پر عہدہ سنبھالا تھا، شرما کو 1997 میں بہترین خدمات انجام دینے کے لیے ممتاز انڈین پولیس میڈل سے بھی نوازا گیا تھا۔
