ہوائی خدمات دینے والی کمپنی انڈیگو نے مارچ میں لاک ڈاؤن کے نفاذ کے بعد سے 50ہزار سے زیادہ پروازیں بھرنے میں کامیابیاں حاصل کرلی ہیں۔
انڈیگو نے سنیچر کو بتایا کہ گھریلو سطح پر شروع کی گئی معمول کی مسافر پروازوں کے ساتھ ہی چارٹرڈ مسافر پروازوں، چارٹرڈ مال بردار پروازوں، دوطرفہ معاہدوں کے تحت شروع کی گئی پروازوں اور وندے بھارت مشن کی پروازوں کو ملا کر آج اس کی پروازوں کی تعداد 50 ہزار سے زیادہ ہوگئی۔ یہ کامیابی حاصل کرنے والی وہ ملک کی پہلی ایئر لائن ہے۔
مسافروں کی تعداد کے لحاظ سے انڈیگو ملک کی سب سے بڑی جہاز سروس کمپنی ہے۔ گھریلو مارگوں پر معمول کی پروازوں میں مسافروں کی تعداد میں اس کی حصہ داری مکمل لاک ڈاؤن سے پہلے 50 فیصد سے کچھ کم تھی جو لاک ڈاؤن کے بعد جولائی میں بڑھ کر 60 فیصد سے زیادہ ہوگئی ہے۔
انڈیگو نے بتایاکہ آج صبح دہلی سے باہر کی راجدھانی پٹنہ کے لیے روانہ ہوئی پرواز نمبر 6 ای 494کے ساتھ ہی مکمل لاک ڈاؤن کے بعد پچاس ہزار پروازوں کی کامیابی اس نے حاصل کرلی ہے۔ اس دوران وہ 47,865گھریلو اور 1,799 بین الاقوامی پروازوں کی آپریٹنگ کرچکی ہے۔
