سعودی عرب کے فرمانروا شاہ سلمان بن عبدالعزیز کی جانب سے شاہی فرمان جاری کر شاندار صلاحیتوں اور نایاب شعبوں سے وابستہ غیر ملکیوں کو سعودی شہریت دینےکا حکم دیا گیا ہے۔
عرب میڈیا نے جمعرات کو جاری ہونے والے شاہی فرمان کے مطابق لکھا ہے کہ شریعت، طب اور سائنس میں نمایاں کارکردگی والے غیر ملکی افراد سعودی شہریت کے اہل ہوں گے۔
اس کے علاوہ ثقافت، کھیل اور ٹیکنالوجی میں بھی نمایاں کارکردگی دکھانے والے غیر ملکی بھی سعودی شہریت کے اہل قرار دیے گئے ہیں۔
یہ بھی پڑھیں: سعودی عرب نے لبنانی سفیر کو ملک چھوڑنے کا حکم دے دیا
شاہی فرمان وژن 2030 کا حصہ ہے جس کا مقصد سعودی عرب میں ایسا ماحول پیدا کرنا ہے، جہاں دنیا بھر سے خصوصی مہارت کے حامل پیشہ ور افراد کو مواقع فراہم کیے جاسکیں۔
