کنور ہیلی کاپٹر حادثے Coonoor Helicopter Crash میں ہلاک ہونے والے ملک کے پہلے سی ڈی ایس جنرل بپن راوت کی آخری رسومات ادا کر دی گئی ہیں۔ دہلی میں سی ڈی ایس بپن راوت CDS Bipin Rawat کو ان کی دہلی کی رہائش گاہ پر 17 توپوں کے ساتھ آخری رسومات ادا کی گئی۔
سی ڈی ایس جنرل بپن راوت اور ان کی اہلیہ مدھو لیکا راوت کی چتاؤں کو ان کی بیٹیوں کریتکا اور تارینی نے آگ لگائی۔ وہیں بپن راوت کی آخری رسومات سے پہلے 17 توپوں کی سلامی دی گئی۔
اس کے ساتھ ہی فوجی بینڈ کی طرف سے تعزیتی دھن بجائی گئی۔ اس موقع پر 12 بریگیڈیئر سطح کے افسران آخری رسومات کے دوران تعینات تھے۔
آخری رسومات کے دوران وزیر داخلہ امت شاہ سمیت دیگر رہنماؤں نے انہیں خراج عقیدت پیش کیا۔
دوسری جانب کنور ہیلی کاپٹر حادثے میں ہلاک ہونے والے بریگیڈیئر ایل ایس لدر Brigadier L S Lidder کی آخری رسومات بھی دہلی کینٹ میں پورے فوجی اعزاز کے ساتھ ادا کی گئیں۔ لدر کی اہلیہ نے کہا کہ وہ مسکراتے ہوئے انہیں الوداع کہنا چاہتی ہیں کیونکہ بریگیڈئر لدر ایک بہادر فوجی تھے۔
