گاندربل: ساون کے آتے ہی کشمیر میں امرناتھ یاترا میں عقیدت مندوں کی بھیڑ اُمڈ پڑتی ہے۔ اسی سلسلے میں ساون کے مہینے کے آغاز کے دوسرے ہی دن ای ٹی وی بھارت کی ٹیم امرناتھ گُپھا کے قریب پہنچی۔ جمعرات کے روز تقریباً 18000 عقیدت مندوں کو پہلگام اور بالتال کے امرناتھ شرائن بورڈ کی طرف سے داخلی راستہ دیا گیا تھا، تاکہ وہ بابا برفانی کا درشن کرسکیں۔ Baba Barfani Amarnath Yatra 2022
اس دوران عقیدت مند اپنے بھگوان کے نام سے نعرے لگاتے نظر آئے۔ تاہم صبح 5 بجے کی آرتی کے بعد بھگوان شیو کے درشن کے لیے دروازے کھول دیے گئے اور بابا برفانی کی گُپھا کے قریب موجود ہزاروں عقیدت مند بابا بھولے ناتھ کا نعرہ لگاتے ہوئے درشن کے لئے گئے۔ وہیں جمعہ کو مندر کے درشن کے لیے آئے ہزاروں عقیدت مندوں کو خراب موسم کا سامنا بھی کرنا پڑا، اس کے باوجود عقیدت مندوں میں کافی جوش و خروش پایا جا رہا ہے۔ Baba Barfani Amarnath Yatra 2022
یہ بھی پڑھیں: Amarnath Yatra Resumed: ایک روز معطل رہنے کے بعد امرناتھ یاترا بحال
وہیں دوسری طرف امرناتھ گُپھا میں درشن کرنے آئے عقیدمندوں کو پریشانیوں کا بھی سامنا کرنا پڑا، دراصل خراب موسم کے پیش نظر جمعہ کو یاترا کچھ دیر کے لیے روک دی گئی۔ حالانکہ موسم میں بہتری آنے کے بعد عقیدت مندوں کو صبح 9 بجے کے بعد بالتال علاقے سے داخل ہونے کی اجازت دی گئی ہے۔Baba Barfani Amarnath Yatra 2022
