Horticulture Department Conducts Drive to Check Status of Pesticides: بانڈی پورہ میں محکمہ ہارٹیکلچر کی جانب سے دکانوں کی چیکنگ

محکمہ ہارٹیکلچر کے ضلعی افسر ڈاکٹر خورشید احمد، سب ڈسٹرکٹ ہارٹیکلچر افسر ڈاکٹر شکیل الرحمن کے علاوہ دیگر افسران پر مشتمل ایک ٹیم نے سمبل اور حاجن میں باغبانی سے متعلق ادویات و کھادوں کی فروخت کرنے والے دکانوں کا معائنہ کیا۔The Horticulture Department Inspected the Shops of Drug Dealers

شمالی کشمیر میں ضلع بانڈی پورہ کے سمبل سوناواری میں محکمہ ہارٹیکلچر کی جانب سے سمبل اور حاجن کی ادویات فروشوں کی دکانوں کا معائنہ کیا گیا تاکہ غیرمعیاری ادویات کی خرید و فروخت پر قابو پایا جا سکے۔Horticulture Department in Bandipora

اس موقع پر محکمہ ہارٹیکلچر کے ضلعی افسر ڈاکٹر خورشید احمد، سب ڈسٹرکٹ ہارٹیکلچر افسر ڈاکٹر شکیل الرحمن کے علاوہ دیگر افسران پر مشتمل ایک ٹیم نے سمبل اور حاجن میں باغبانی سے متعلق ادویات اور کھادوں کی فروخت کرنے والے دکانداروں کا معائنہ کیا۔

معائنہ کے دوران افسران نے مذکورہ دکانداروں کے دستاویزات اور لائسنس چیک کئے تاکہ بغیر رجسٹریشن کی ادویات فروخت کرنے والے افراد پر قدغن لگایا جاسکے۔

اس موقع پر میڈیا نمائندوں کے ساتھ گفتگو کرتے ہوئے سب ڈسٹرکٹ سمبل کے ہارٹیکلچر افسر شکیل الرحمان نے کہا کہ ہماری مہم غیر معیاری پیسٹی سائیڈس کی فروخت پر قابو پانے کے لئے ہے اور محکمہ کی یہ کوشش ہے کہ رجسٹرڈ پیسٹیسائیڈ ڈیلیرس ہی یہ کام انجام دیں تاکہ غیر معیاری ادویات اور کھادوں کی خرید و فروخت پر پابندی عائد کی جاسکے۔

ان کا مزید کہنا تھا کہ ہم شروع سے ہی غیر معیاری پیسٹیسائیڈس کی فروخت پر نظر بنائے ہوئے ہیں۔ ہم کسی بھی صورت میں ان کے خلاف کارروائی کریں گے۔