فلاحی کام کرنے والی تنظیم عنبر فاونڈیشن راج ناتھ کی حمایت کیوں کررہی ہے (ETV Bharat) لکھنو : لکھنو کی معروف سماجی تنظیم عنبر فاؤنڈیشن کے چیئرمین وفا عباس نے ای ٹی وی بھارت سے خاص بات چیت کی۔ انہوں نے لکھنو سمیت متعدد علاقوں میں اقلیتوں کے فلاح و بہبود کے لیے متعدد کام کیے ہیں جس کے بعد اب بی جے پی امیدوار راجناتھ سنگھ کی حمایت کا بھی اعلان کر رہے ہیں۔ عنبر فاؤنڈیشن کے چیئرمین بی جے پی کی حمایت کیوں کر رہے ہیں اور راج ناتھ سنگھ کی جیت کے لیے جدوجہد کیوں کر رہے ہیں اس تعلق سے ای ٹی وی بھارت نے خاص بات چیت کی ہے۔
ای ٹی وی بھارت سے بات چیت کرتے ہوئے وفا عباس نے بتایا کی ہم نے لکھنو اور اطراف علاقوں میں ہزاروں لوگوں کو ائینے تقسیم کئے جس سے فرق یہ پڑا کہ جو لوگ کاروبار کرتے تھے ان کے کاروبار میں اضافہ ہوا اور ان کی بینائی واپس ائی کئی لوگوں کے موتیا بند کا مفت اپریشن کرایا یہ وہ لوگ تھے جو دروزی کا کام کرتے تھے یا دیگر کام میں مصروف ہوتے تھے اور غربت کی وجہ سے وہ اپریشن نہیں کرا سکتے تھے ان کی انکھ کا مفت کا اپریشن کرایا اب وہ خود مختار ہو کر کے اپنا کاروبار کر رہے ہیں۔
وفا عباس نے بتایا کہ کلیکٹر بٹیا اسکیم کے تحت غریب بچیوں کی تعلیم اور مفت کوچنگ کا انتظام کرایا جس سے کئی طالبات نے نمایاں کامیابی حاصل کی ہے اور سول سروسز میں ان کا اپوائنمنٹ ہوا ہے اس کے علاوہ بھی کئی فلاحی کام جاری ہیں لیکن اب وزیر دفاع راجناتھ سنگھ کی حمایت کا ہم اعلان اس وجہ سے کر رہے ہیں کیونکہ لکھنو شہر میں جس طریقے سے انہوں نے کام کیا ہے اور عوام کی بڑھ چڑھ کر کے مدد کی ہے وہ ناقابل بیان ہے کوئی بھی رکن پارلیمان ہو وہ اپنے علاقے میں پانچ سے 10 کروڑ سے زیادہ خرچ نہیں کر سکتا ہے لیکن وزیر دفاع راجناتھ سنگھ نے سینکڑوں کروڑ روپے لکھنو کی ترقی میں خرچ کیا ہے جو اہل لکھنو کے لیے فخر کی بات ہے۔
انہوں نے کہا کہ راج ناتھ اگرچہ بی جے پی سے تعلق رکھتے ہیں لیکن بی جے پی نے اقلیتوں کے استحصال کا کام نہیں کیا ہے بلکہ ہمیشہ ترقی کے لیے کام کیا ہے کسی بھی سکیم میں امتیازی سلوک نہیں کیا گیا ہے سبھی اسکیم میں مسلمان کے برابر کے حصے دار رہے بلکہ ایو شمان کارڈ جیسے اسکیم میں مسلمانوں کی اکثریت رہی ہے۔ انہوں نے مزید کہا کہ بی جے پی 75 برس سے زیادہ عمر کے لوگوں کو پارلیمان کا امیدوار نہیں بناتی ہے اب یہ ہو سکتا ہے کہ راجناتھ سنگھ کا یہ آخری الیکشن ہو اور ہمیں یہ موقع ملا ہے تو ہم ان کو کثیر ووٹوں سے کامیاب کر کے پارلیمنٹ بھیجیں۔
وفا عباس نے مزید کہا کہ ہم اکثر اپنی میٹنگ میں اپنے لوگوں سے کہتے ہیں کہ راجناتھ سنگھ کا اگر کوئی بھی ایک جملہ اقلیتوں کے خلاف یا مسلمانوں کے خلاف دکھا دو تو ہم ان کی حمایت کرنا بند کر دیں گے لیکن ایسا نہیں ہو سکا اور یہی وجہ ہے کہ ہم اپنی پوری ٹیم کے ساتھ ان کی مدد کر رہے ہیں اور اہل لکھنو سے یہی اپیل کر رہے ہیں کہ ان کو کثیر ووٹ سے کامیاب بنائیں۔
