وارانسی: وارانسی میں لاؤڈ اسپیکر پر آواز سے متعلق سپریم کورٹ کی گائیڈلائنس کے احکامات کی خلاف ورزی کرنے والے اور بغیر اجازت کے غیر قانونی طور پر نصب کئے گئے لاؤڈ اسپیکرز کو ہٹانے کی مہم تیزی سے جاری ہے۔ وارانسی کے پولس کمشنر موہت اگروال نے کہا کہ مہم کے تحت 24 گھنٹوں میں 94 مذہبی مقامات سے لاؤڈ اسپیکر ہٹا دیے گئے ہیں۔ اس کے ساتھ ہی 17 ڈی جے ضبط کر لیے گئے ہیں۔ بتایا جا رہا ہے کہ آنے والے وقت میں یہ مہم مزید تیزی سے چلائی جائے گی۔ اس سلسلے میں پولیس کو ہدایات دے دی گئی ہیں۔
وزیر اعلی یوگی آدتیہ ناتھ کی ہدایت پر وارانسی میں غیر قانونی طور پر استعمال کیے جا رہے لاؤڈ اسپیکر اور ڈی جے کے خلاف ایک بڑی کارروائی شروع کی گئی ہے۔ اس سلسلے میں وارانسی پولیس نے شہر سے دیہی علاقوں تک غیر قانونی طور پر چلائے جانے والے ڈی جے اور لاؤڈ اسپیکر کے خلاف کریک ڈاؤن شروع کر دیا ہے۔
پولس کمشنر موہت اگروال کا کہنا ہے کہ، کمشنریٹ وارانسی میں غیر مجاز لاؤڈ اسپیکر اور ڈی جے کے خلاف مہم جاری ہے۔ انہوں نے بتایا کہ یہ مہم ابھی جاری رہے گی۔ اس مہم کے تحت 8 دسمبر تک 94 لاؤڈ سپیکر ہٹا دیے گئے ہیں۔ پولیس کی ٹیم کو اس سلسلے میں کارروائی تیز کرنے کی ہدایت دے دی گئی ہے۔ انہوں نے کہا کہ معیار سے زیادہ آواز کے ساتھ چلنے والے لاؤڈ سپیکر کو فوری طور پر ہٹا دیا جائے گا۔ کسی کو بخشا نہیں جائے گا۔
یہ بھی پڑھیں:
