رائچور میں آنجہانی رامو جی راؤ کو خراج عقیدت پیش کیا گیا - TRIBUTE TO RAMOJI RAO IN RAICHUR

راموجی راو اس دارفانی سے آٹھ جون کوکوچ کرگئے۔ لیکن ہزاروں لوگوں پراپنی چھاپ چھوڑ گئے۔ انھوں نے صحافتی دنیا کوبیش بہا قیمتی خزانوں سے نوازا اورملک میں آزاد اور غیرجانبدار صحافت کو فروغ دیا۔

رائچور : مارگہ درشی چٹ فنڈ رائچور کی جانب سے آنجہانی راموجی راؤ کو خراج عقیدت پیش کی گئی۔ پروگرام کے آغاز میں دو منٹ کی خاموشی اختیار کرتے ہوئے ان کی تصویر پر گلہائے عقیدت پیش کر کے انہیں خراج عقیدت پیش کیا گیا۔

اس موقع پر رامو جی راؤ کی زندگی پر بنائی گئی ڈاکومنٹری دکھائی گئی، جس میں راموجی راؤ کے بچپن سے لے کر ان کے آخری ایام تک کو نہایت ہی پر اثر اور سبق آموز طریقے سے پیش کیا گیا ۔مارگا درسی چٹ فنڈ رائچور کے مینیجر سدیشور نے کہا کہ رامو جی راؤ جی کی پوری زندگی ہم لوگوں کے لیے ایک مثال ہے۔ رامو جی راؤ نے اپنی زندگی میں ہی بتا دیا کہ کام ہی سب کچھ ہے اور آپ جو بھی کام کرتے ہیں اس کو پوری جستجو لگن اور ایمانداری سےکرنا چاہیے۔

اگر ہم شعبے صحافت کی بات کریں تو ملک میں بہت سارے میڈیا ہاؤس ہیں جو ہندی اور انگریزی زبان میں اپنا چینل چلا رہے ہیں۔ لیکن رامو جی راؤ واحد ایسی شخصیت ہیں جو ملک کے 16 زبانوں میں نہایت کامیابی کے ساتھ چینل چلا رہے ہیں۔ انہوں نے علاقائیت سے اوپر اٹھ کر ملک و صحافت کی ترقی میں اپنا اہم کردار ادا کیا ہے جسے ہمیشہ یاد رکھا جائے گا۔

مزید پڑھیں:ملک بھر تعزیتی اجلاس کا انعقاد، آنجہانی راموجی راؤ کو بھرپور خراج پیش کیا گیا - Tributes Paid to Ramoji Rao
اس موقع پر دیگر کئی احباب نے راموجی راؤ کی شخصیت اور کارناموں پر گفتگو کرتے ہوئے رامو جی راؤ کو ایک عظیم انسان قرار دیا۔