حیدرآباد: تلنگانہ کے ضلع نرمل میں کستوربا گاندھی بالیکا ودیالیہ (کے جی بی وی) سے تعلق رکھنے والی 11طالبات نرسا پور منڈل میں اپنے ہاسٹل میں رات کا باسی کھانا کھانے کے بعد بیمار پڑگئیں۔
تین ہفتوں کے وقفہ میں اس تعلیمی ادارہ میں اس طرح کا یہ دوسرا واقعہ ہے جب طالبات کے کھانہ کھانے کے بعد ان کی طبیعت خراب ہو گئی ہے۔
کے جی بی وی کی انچارج اسپیشل آفیسر ونیتا نے بتایا کہ رات کے 10 بجے کھانہ کھانے کے بعد 11 طالبات نے پیٹ میں درد اور اسہال کی شکایت کی۔ تین طالبات کو نرمل کے ایک اسپتال میں داخل کرایا گیا، سات طالبات کو ان کے والدین کی درخواست کے مطابق گھر بھیج دیا گیا۔
اسپیشل آفیسر انچارج ونیتا نے مزید کہا کہ فوڈ پوائزننگ کے واقعات کی روک تھام کے لیے اقدامات کیے جا رہے ہیں۔ والدین نے اسکول میں وقفہ وقفہ سے فوڈ پوائزننگ پر تشویش کا اظہار کیا ہے۔ انہوں نے حکام سے اس مسئلہ کو حل کرنے کے لئے اقدامات کرنے کی درخواست کی۔
3 اپریل کو اسی ادارہ میں ناشتہ میں باسی کھانا کھانے سے 25 طالبات مبینہ طور پر بیمار ہو گئی تھیں۔ اس وقت کی اسپیشل آفیسر سنیتا نے اسی وقت ہیڈ کُک پدما کو معطل کردیا گیا تھا۔
یہ بھی پڑھیں:
