ممبئی:ریاست مہاراشٹر کے ممبئی میں شیو سینا کی رکن اسمبلی منیشا کایندے نے مطالبہ کیا کہ وہ تنظیمیں جو حلال سرٹیفیکیشن دیتی ہیں اور اشیاء فروخت کرتی ہیں ان پر مہاراشٹر میں بھی پابندی لگائی جائے۔ ممبئی میں حلال کونسل آف انڈیا اور جمعیت علماء غیر سرکاری طور پر حلال سرٹیفکیٹ جاری کر کے کسی نہ کسی طریقے سے غیر قانونی فنڈنگ کر رہی ہیں۔
انہوں نے کہاکہ ان تنظیموں کے ذریعہ حلال تصدیق شدہ اشیاء روزانہ غیر قانونی طور پر کسی خاص مذہب کے صارفین کو فروخت کی جاتی ہیں۔ ان تنظیموں کو کسی بھی مصنوعات کی تصدیق کرنے کا کوئی حق نہیں ہے۔
کایندے نے خط میں ذکر کیا ہے کہ یہ تنظیمیں کچھ دوسرے لوگوں کے ساتھ مل کر حلال سرٹیفکیٹ تقسیم کر کے مالی فائدے حاصل کر رہیں ہیں۔اس رقم کو ملک دشمن سرگرمیوں میں استعمال ہونے کا شبہ ہے۔FDA اور FSSAI ملک میں ایسی فوڈ پروڈکٹس کو کوالٹی سرٹیفیکیشن دینے کے لیے مجاز ادارے ہیں۔ کسی دوسری تنظیم کو اس طرح کی سرٹیفیکیشن دینے کی اجازت نہیں ہے۔ کھانے پینے کی اشیاء کی طرح کاسمیٹکس اور گھریلو اشیاء کو بھی ایک مخصوص رقم وصول کر کے سرٹیفکیٹ دیا جا رہا ہے۔
یہ بھی پڑھیں:مسلمانوں کو ریزرویشن کے لیے مراٹھا ریزرویشن مظاہرین سے سبق حاصل کرنا ہوگا: مفتی اسماعیل
کیاندے نے کہا کہ اس طرح کی حلال مصدقہ مصنوعات بہت سے سرکاری منصوبوں اور اقدامات (IRTC اور MTDC) میں فروخت کی جا رہیں ہیں،یہ ایک سنگین معاملہ ہے۔اس پر حکومت کو نظر رکھنے کی ضرورت ہے۔
