ڈوڈہ: مرکز کے زیر انتظام یوٹی جموں وکشمیر کے ضلع ڈوڈہ کے ممٹ میں ہوئے سڑک حادثے میں ایک شخص کی موت ہوگئی جبکہ دوسرا شدید طور پر زخمی ہوگیا۔زخمی شخص کو نزدیکی ہسپتال میں داخل کرایا گیا جہاں اس کی حالت نازک بتائی گئی ہے۔
ذرائع کے مطابق ضلع ڈوڈہ کے مرمٹ میں یہ واقعہ پیر کی صبح اس وقت پیش آیا جب ڈوڈہ سے گوہا مرمٹ جا رہی ایک گاڑی بے قابو ہوکر سڑک کے کنارے پلٹ گئی۔کار جب دگہ مارمٹ پہنچی تو سڑک سے پھسل کر گہری کھائی میں جا گری۔ حادثے کے فوراً بعد مقامی باشندوں اور پولیس نے موقع پر پہنچ کر امدادی کارروائی شروع کردی۔
زخمیوں کو نردیکی ہسپتال میں داخل کرایا جہاں ایک شخص کی حالت نازک بتائی گئی ۔زخمی شخص کو جی ایم سی ڈوڈہ منتقل کیا گیا۔ زخمیوں میں سے ایک کی شناخت روشن لال کے طور پر ہوئی ہے جو جے کے پولیس کانسٹیبل پولیس چوکی گوہا میں تعینات تھا۔ حکام حادثے کی وجہ کی تحقیقات کر رہے ہیں۔
یہ بھی پڑھیں:کپوارہ میں ایک عمارت کو آگ لگانے کے الزام میں دو افراد گرفتار:پولیس
پولیس نے کہاکہ پورے معاملے کی تفتیش کی جارہی ہے۔پولیس نے بتایاکہ زخمی کی شناخت تنویر سلاریا کے طور پر ہوئی ہے۔ ایک لیکچرر کو بہتر علاج کے لیے ڈوڈہ سے جی ایم سی جموں لے جایا گیا۔
