میرٹھ: ریاست اتر پردیش کے ضلع میرٹھ میں آج رمضان المبارک کے تیسرے جمعہ کے موقعے پر شہر کی شاہی جامع مسجد میں نماز جمعہ پر سکون ماحول میں ادا کی گئی۔ اس موقعے پر سکیورٹی کے سخت انتظامات کئے گئے تھے۔ نماز کے بعد کے پروفیسر قاضی زین الساجیدین نے ملک اور ملت کی فلاح بہبودی کے علاوہ امن وامان و سلامتی کے لئے خصوصی دعائیں کرائی۔شہر قاضی نے رمضان المبارک میں عبادات کو لیکر کہا کہ رمضان کے آخری عشرے میں شب قدر کی خاص اہمیت ہے۔ اس لیے ہزار راتوں کی عبادات سے افضل عبادات میں سے ایک ہے۔اس لیے ان طاق راتوں میں زیادہ سے زیادہ عبادات کرنی چاہیے۔
یہ بھی پڑھیں: جمعہ کی شب ایک لاکھ فلسطینیوں نے مسجد اقصیٰ میں نمازِ تروایح ادا کی
قاضی زین الساجیدین نے کہا کہ مسلمانوں کو چاہیے کہ وہ اپنے علاقے کی عید گاہ میں جاکر عیدالفطر کی نماز ادا کریں۔ اس کے علاوہ عید کی خوشیاں اپنے غریب مسلمان بھائیوں میں بھی باٹیں۔ مستحق افراد کے درمیان زیادہ سے زیادہ مدد صدقہ تقسیم کرے وہیں۔ آل انڈیا ملی کانسل میرٹھ کے صدر قاری شفیق الرحمان قاسمی نے کہا کہ رمضان المبارک میں بھی اسرائیلی افواج فلسطین کے مسلمانوں پر بمباری کر رہی ہے۔تمام مسلم ممالک خاموش تماشائی بنے ہوئے ہیں۔مسلم ممالک کے لئے یہ بہت ہی شرم کی بات ہے۔ ہمیں مظلوم فلسطینیوں کے حق دعائیں کرنی چاہیے۔
