نئی دہلی: دہلی کے وزیر اعلی اروند کیجریوال کو آج شہر کی راؤس ایونیو عدالت میں پیش کیا جائے گا کیونکہ ان کی ای ڈی کی حراست ختم ہو رہی ہے۔ کیجروال کو انفورسمنٹ ڈائریکٹوریٹ نے مبینہ شراب پالیسی گھوٹالہ کے سلسلے میں گرفتار کیا تھا۔ ایکسائز پالیسی سے منسلک مبینہ منی لانڈرنگ کیس کے سلسلے میں گرفتار ہونے کے بعد انہیں یکم اپریل تک ای ڈی کی تحویل میں بھیج دیا گیا تھا۔
ای ڈی نے دہلی کے وزیر اعلی سے مزید پوچھ گچھ کرنے کی ضرورت کا حوالہ دیتے ہوئے کیجریوال کی حراست میں سات دن کی توسیع کی درخواست کی تھی۔ لیکن 28 مارچ کو عدالت نے کیجریوال کی ای ڈی کی تحویل میں یکم اپریل تک توسیع کر دی۔
اروند کیجریوال جیل سے اپنی اہلیہ سنیتا کیجریوال کے ساتھ کابینہ کو حکم دیتے ہوئے دہلی پر حکومت کر رہے ہیں۔ سنیتا نے اپوزیشن انڈیا بلاک کی 'جمہوریت بچاؤ' ریلی میں بھی حصہ لیا جہاں سنیتا نے کجریوال کا پیغام پڑھ کر سنایا۔ ریلی میں موجود اپوزیشن کے رہنماوں نے کجریوال اور جھارکھنڈ کے سابق وزیر اعلیٰ ہیمنت سورین کی رہائی کا بھی مطالبہ کیا۔ جنہیں ای ڈی نے جنوری میں گرفتار کیا تھا۔
عآپ کے قومی کنوینر کیجریوال پر مخصوص افراد کے حق میں ایکسائز پالیسی کی تشکیل سے متعلق سازش میں براہ راست ملوث ہونے کے الزامات عائد کیے گئے ہیں۔ اروند کیجروال کو 21 مارچ کو گرفتار کیا گیا تھا اور اس کے بعد دہلی کی ایک عدالت نے انفورسمنٹ ڈائریکٹوریٹ کی تحویل میں بھیج دیا تھا۔ ایک مقامی عدالت نے 28 مارچ کو ان کی ابتدائی حراست ختم ہونے کے بعد کیجریوال کی حراست میں یکم اپریل تک مزید چار دن کی توسیع کر دی تھی۔ انہوں نے دہلی ہائی کورٹ میں یہ کہتے ہوئے بھی کہا کہ ای ڈی کے ذریعہ ان کے بنیادی حقوق کی خلاف ورزی کی گئی ہے۔
- یہ بھی پڑھیں:
شراب پالیسی معاملہ: کیجریوال کو ہائی کورٹ سے نہیں ملی راحت، اب تین اپریل کو سماعت - اروند کیجریوال کی ای ڈی تحویل ختم، راؤس ایونیوعدالت میں آج پیشی
یہ مقدمہ دہلی ایکسائز پالیسی کیس 2022 کو بنانے اور اس پر عمل درآمد میں مبینہ بے ضابطگیوں اور منی لانڈرنگ سے متعلق ہے، جسے بعد میں ختم کر دیا گیا تھا۔ عدالت کے سامنے اپنے دلائل میں ای ڈی نے الزام عائد کیا کہ دہلی کے وزیر اعلی تاجروں سے کک بیکس مانگنے میں کلیدی سازشی اور سرغنہ ہیں۔ ایجنسی نے مزید دعویٰ کیا کہ کیجریوال ایکسائز پالیسی کی تشکیل میں براہ راست ملوث تھے۔
