نئی دہلی: زیادہ تر لوگ ٹرین ٹکٹ بک کرواتے وقت نچلی سیٹ بک کرتے ہیں، کیونکہ نچلی سیٹ سے اوپر اور نیچے جانا آسان ہوتا ہے۔ ساتھ ہی کچھ لوگ ایسے بھی ہیں جو ہمیشہ سائیڈ والی نچلی برتھ بک کرواتے ہیں۔ سائیڈ برتھ لمبی دوری کی ٹرینوں میں سفر کا ایک آرام دہ تجربہ فراہم کرتی ہے۔
لیکن کیا آپ جانتے ہیں کہ ٹرین میں لوئر برتھ کیسے بک کی جاتی ہے اور یہ کس کو ملتی ہے؟ اگر نہیں تو آج ہم آپ کو کچھ ایسے طریقے بتانے جا رہے ہیں جن کی مدد سے آپ آسانی سے نچلی سیٹ کے ٹکٹ بک کر سکتے ہیں۔
غور طلب ہے کہ بھارتی ریلوے زیادہ تر بزرگوں کو سلیپر کلاس کی نچلی برتیں دیتی ہے۔ ان افراد میں 60 سال سے زیادہ عمر کے مرد اور 58 سال سے اوپر کی خواتین شامل ہیں۔ اس کے علاوہ 45 سال سے زیادہ عمر کی خواتین، حاملہ خواتین اور جسمانی طور پر معذور افراد بھی لوئر برتھ حاصل کر سکتے ہیں۔
- معذور افراد کے لیے سیٹ ریزرو:
ریلوے بورڈ کے مطابق سلیپر کلاس میں معذور افراد کے لیے چار سیٹیں مختص ہیں۔ ان میں سے دو سیٹیں نیچے اور دو سیٹیں درمیان میں ہیں۔ ساتھ ہی تھرڈ اے سی میں دو سیٹیں اور اے سی تھری اکانومی میں دو سیٹیں بھی معذوروں کے لیے مختص ہیں۔ اس کے علاوہ غریب رتھ ٹرین میں بھی نیچے دو سیٹیں اور اوپر دو سیٹیں معذوروں کے لیے مختص ہیں۔ تاہم معذور افراد کو ان نشستوں کا پورا کرایہ ادا کرنا ہوگا۔
- نچلی برتھ سینئر سیٹیزن کے لیے مخصوص:
تقریباً تمام ٹرینوں کی نچلی برتھ 60 سال یا اس سے زیادہ عمر کے مرد مسافروں اور 45 سال یا اس سے زیادہ عمر کی خواتین مسافروں کے لیے مخصوص ہے۔ ٹرین کے ہر ڈبے میں سینئر سیٹیزن اور خواتین کے لیے سیٹیں مختص ہیں۔
اگر کوئی عورت حاملہ ہے تو اسے لوئر برتھ دی جاتی ہے۔ یہی نہیں، اگر کسی سینئر سیٹیزن، معذور شخص، یا حاملہ خاتون کو اوپر کی نشست ملتی ہے، تو وہ اَن بورڈ ٹکٹ کی جانچ کے وقت ٹی ٹی ای سے نچلی نشست مانگ سکتے ہیں۔
- نچلی برتھ سیٹ کیسے بک کریں؟
اگر آپ سینئر سٹیزن کے زمرے میں نہیں آتے ہیں لیکن لوئر برتھ چاہتے ہیں، تو آپ آئی آر سی ٹی سی کی ویب سائٹ پر ٹکٹ بک کرتے وقت لوئر برتھ کا آپشن منتخب کر سکتے ہیں۔ ایسی حالت میں اگر نچلی برتھ خالی ہے تو آپ کو وہ سیٹ مل سکتی ہے۔
