لکھنؤ: اتر پردیش کے دارالحکومت لکھنؤ کے اندرا نگر علاقہ میں بم بناتے وقت دھماکہ ہوا۔ یہاں دو نوجوان ملکی ساختہ بم بنا رہے تھے کہ بم پھٹ گیا اور ایک نوجوان شدید زخمی ہو گیا۔ اس واقعہ کے بعد افراتفری مچ گئی۔ زخمی کا ساتھی دوسرا نوجوان دھماکہ ہونے پر وہاں سے بھاگ گیا۔ پولیس نے زخمی نوجوان کو اسپتال میں داخل کرایا ہے۔ اس کے علاوہ فرار نوجوان کی تلاش جاری ہے۔ یہ واقعہ جمعرات کی دوپہر کو پیش آیا۔ بتایا جاتا ہے کہ اندرا نگر علاقہ میں واقع پارک میں دو نوجوان بیٹھ کر دیسی ساختہ بم بنا رہے تھے۔ اس دوران بم پھٹ گیا۔ جس کی وجہ سے بم بنانے والے نوجوان کی ٹانگ میں شدید چوٹیں آئیں۔
یہ بھی پڑھیں:
بتایا گیا ہے کہ زخمی نوجوان بری طرح چیخنے لگا، جب کہ اس کا ساتھی نوجوان یہ دیکھ کر وہاں سے بھاگ گیا۔ بم کی آواز سے چاروں طرف خوف و ہراس پھیل گیا۔ کچھ دیر میں پولیس بھی اطلاع پر موقع پر پہنچ گئی۔ تب تک پارک میں لوگوں کا ہجوم جمع ہو چکا تھا۔ پولیس نے زخمی نوجوان کو اسپتال پہنچایا، جہاں اس کا علاج جاری ہے۔ فرار ہونے والے دوسرے نوجوان کے بارے میں ابھی تک کچھ معلوم نہیں ہو سکا ہے۔ اس سلسلہ میں پولیس، زخمی سے معلومات لے رہی ہے۔ اس واقعہ سے لوگوں میں خوف و ہراس پھیل گیا ہے۔ پولیس کے مطابق دھماکہ پارک میں بم بناتے وقت ہوا۔ زخمی کو علاج کے لیے اسپتال میں داخل کرایا گیا ہے۔ اس سے اس کے ساتھی کے بارے میں معلومات لی جا رہی ہیں۔ امید ہے کہ اسے جلد گرفتار کر لیا جائے گا۔
