میرٹھ:ریاست اتر پردیش کے ضلع میرٹھ میں شاہ پیر گیٹ علاقے میں واقع قدیمی مدرسہ جامعہ عربیہ نورالسلام منعقد ہ سالانہ اجلاس فضیلت قرآن حدیث دستار بندی کی رسم ادا کی گئی. اس موقع پر دارالعلوم دیوبند کے مغربی اتر پردیش کے مختلف اضلاع سے علماء کرام نے شرکت کرتے ہوئے سماج میں بڑھ رہی برائیوں کو ختم کرنے کی بات کہی۔
انہوں نے کہاکہ اللہ تعالی نے قرآن میں فرمایاکہ اے ایمان والو تقوی، پرہیزگاری اختیار کرو،اللہ والوں سے تعلق رکھو، اللہ والوں کی مجلسوں میں شریک ہوا کرو، انہوں نے مزید کہا کہ آج ضرورت اس بات کی ہے کہ تعلیم کو عام کیا جائے، ہر بچے کو زیور تعلیم و تہذیب سے مزین کیا جائے۔
یہ بھی پڑھیں:گلبرگہ میں دستاربندی تقریب کا انعقاد
معاشرے میں بڑھ غیر ضروری رسومات پر علماء نے اصلاح معاشرہ کے عنوان سے ایک جامع خطاب فرمایا۔معاشرہ میں پھیلی خرافات و بدعات سے بچنے کی تلقین فرمائی۔ خصوصاً شادی بیاہ کے مواقع پر جو کچھ بھی ہو رہا ہے ۔اس پر بے حد افسوس ہے۔ جیسے ویڈیو گرافی، بارات کا چڑھانا، کھڑے ہو کر کھانا کھلانا، عورت و مرد کا مخلوط پروگرام کرانا، ناچ گانا بجانا ہونا، تفاخر کے لئے اپنی حیثیت سے زیادہ خرچ کرنا، لڑکیوں سے استقبال کرانا یا کھانا کھلانا وغیرہ۔ یہ سب رسمیں غیر اسلامی ہیں اور اللہ کے عذاب کو دعوت دیتی ہیں ۔اس سے بچنے کی کوشش کرنی چاہئے۔
