احمدآباد: حضرت شاہ عالم درگاہ کے خادم صوبہ خان پٹھان نے کہا کہ گزشتہ کئی مہینوں سے اسرائیلی فوج کی جانب سے مظلوم نہتے فلسطینوں پر حملوں کا سلسلہ جاری ہے۔معصوم بچے اور خواتین کا قتل عام جاری ہے۔اب تک ہزاروں لوگوں کی جان جا سکی ہے۔یہ ایک افسوسناک واقعہ ہے۔اس کی مذمت کرتی ہیں۔
انہوں نے کہاکہ اسرائیلی حملے میں شہید ہونے والے فلسطینیوں کو خراج عقیدت پیش کرنے کے لئے ہم اکھٹا ہوئے ہیں۔اس موقع پر مختلف مذاہب کے رہنماوں نے جنگ میں ہلاک ہونے والے لوگوں کو خراج عقیدت پیش کی۔
ان کا مزید کہنا تھا کہ گجرات کے راجکوٹ گم زون میں آتشزدگی کے واقعے میں مرنے والے معصوم بچوں کے لیے بھی ہم نے خصوصی دعائیں کی اور انہیں جنت میں اعلی مقام عطا کرے ایسی درخواست کی ہے۔
:اس موقع پر سکھ برادری کے مذہبی رہنما دیپ سنگھ خالصہ نے کہا کہ آج ہم حضرت شاہ عالم سرکار کے دربار میں آئے ہیں۔ ہمیں بہت تکلیف ہو رہی ہے جس طریقے سے فلسطین پر حملہ کیا جا ریا ہے وہ افسوسناک ہے۔راجکوٹ گیمینگ زون میں آتشزدگی میں ہلاک ہونے والے لوگوں بالخصوص بچوں کی موت پر بے حد افسوس ہے۔
یہ بھی پڑھیإ؛حضرت شاہ عالم درگاہ میں بی جے پی کی جانب سے چادر پیش کی
ہندو رہنما بھرت داس مہاراج، نے کہا کہ اسرائیل جس طریقے سے فلسطین پر بربریت کر رہا ہے ہمیں یہ دیکھ کر اور سن کا کافی دکھ پہنچا ہے ۔ہم ان کے لیے دعا کے علاوہ کچھ بھی نہیں کر سکتے ہیں۔اس کے لیے آج شام درگاہ پر ہمیں اکٹھا ہو کر دعا مانگی ۔ راجکوٹ میں جو حادثہ ہوا ہم اس کی مذمت کرتے ہیں۔
