کولکاتا:مغربی بنگال کے دارالحکومت کولکاتا سمیت مختلف اضلاع میں مرکزی جانچ ایجنسیوں کی بڑے پیمانے پر چھاپہ ماری مہم چلائی جا رہی ہے۔اسی درمیان مرکزی تفتیشی بیورو (سی بی آئی) نے ہفتہ کو مغربی بنگال میں حکمراں ترنمول کانگریس کے سابق رکن پارلیمان مہوا موئترا کے والد کے گھر پر 'کیش فار کوائری' معاملے میں چھاپہ مارا۔
ذرائع نے بتایا کہ سی بی آئی کے اہلکاروں نے ہفتہ کی صبح علی پور کے جج کورٹ روڈ پر واقع ایک ہاؤسنگ کمپلیکس میں محترمہ موئترا کے والد دیپیندر لال موئترا کے گھر پر تلاشی مہم شروع کی۔ اس دوران مسلح مرکزی دستے آس پاس کے علاقے کی حفاظت کرتے نظر آئے۔
محترمہ مہوا موئترا ایک بار پھر ترنمول کے ٹکٹ پر نادیہ ضلع کے کرشن نگر حلقہ سے 2024 کے عام انتخابات میں حصہ لے رہی ہیں۔دوسری طرف مغربی بنگال کے وزیر اروپ بسواس کے بھائی سوروپ بسواس کے گھر پر انکم ٹیکس ڈیپارٹمنٹ نے تقریبا 72 گھنٹوں تک چھاپہ ماری مہم چلائی۔
یہ بھی پڑھیں:مہوا موئترا سے متعلق مختلف مقامات پر سی بی آئی کے چھاپے - CBI Raid at Mahua Moitra Locations
انکم ٹیکس ڈیپارٹمنٹ نے گزشتہ جعمرات کی شام سوروپ بسواس کے گھر پر چھاپہ ماری مہم شروع کی جو ہفتہ کی صبح تک جاری رہی ۔مسلسل 72 گھنٹے کے بعد انکم ٹیکس حکام نے سرچ آپریشن کے بعد سوروپ بسواس کی رہائش گاہ سے واپس چلے گئے ۔ کئی دستاویزات سمیت کئی الیکٹرانک آلات ضبط کرلئے گئے۔
