بدایوں: بدایوں کے سول لائنز علاقے کے منڈی سمیتی چوکی میں دو بچوں کا گلا کاٹ کر قتل کر دیا گیا۔ جہاں ایک بچہ زخمی بتایا جارہا ہے۔ واقعہ کی وجہ سے علاقے میں تناؤ کا ماحول ہے۔ واردات کے بعد لوگوں نے منڈی کمیٹی پولیس چوکی کا گھیراؤ کر لیا ہے۔
غور طلب ہو کہ اہل خانہ کا الزام ہے کہ اس قتل کے پیچھے گھر کے قریب سیلون کی دکان چلانے والے حجام کا ہاتھ ہے۔ پولیس کی بڑی تعداد جائے وقوعہ پر موجود ہے۔ ساتھ ہی پولیس نے حجام کو مڈبھیڑ میں ہلاک کر دیا ہے۔
تین بچوں پر حملہ، دو کی موت:
بدایوں کے ڈی ایم منوج کمار نے کہا کہ "ہمیں آج شام اطلاع ملی کہ ایک شخص نے ایک گھر میں گھس کر 11 اور 6 سال کی عمر کے دو چھوٹے بچوں کا قتل کر دیا ہے۔ جس کی وجہ سے علاقائی لوگوں میں خوف و ہراس پھیل گیا ہے۔
انہوں نے مزید کہا کہ لوگوں سے امن برقرار رکھنے کی اپیل کی گئی ہے۔ فی الحال ہلاک ہوئے بچوں کی لاشوں کو پوسٹ مارٹم کے لیے بھیج دیا گیا ہے۔ قتل کی وجہ تاحال واضح نہیں ہوسکی، تحقیقات جاری ہیں۔
یہ بھی پڑھیں:
- یوپی میں غیرت کے نام پر قتل، گرل فرینڈ سے ملنے آئے عاشق اور لڑکی کا قتل
- پولیس اسٹیشن میں دلت نوجوان کی بے رحمی سے پٹائی، ویڈیو وائرل
وزیر اعلی یوگی نے حکام سے بات کی:
وزیر اعلی یوگی آدتیہ ناتھ نے پورے واقعہ کے بارے میں اعلیٰ حکام سے بات کی ہے۔ وزیراعلیٰ نے ڈی جی پی سمیت تمام سینئر حکام سے واقعہ کی مکمل اپ ڈیٹ لی ہے۔ ساتھ ہی سخت کارروائی کی ہدایات بھی دی ہے۔ مقامی انتظامیہ کو ماحول کو پرسکون کرنے کو کہا گیا ہے۔
