ہریانہ: پیرس اولمپکس میں دو کانسے کا تمغہ جیتنے والی شوٹر منو بھاکر کے اعزاز میں ان کے ماموں کے گھر پر تقریب کا اہتمام کیا گیا۔ اس دوران ان کا شاندار استقبال کیا گیا۔
اس موقع پر منو بھاکر نے کہا کہ وہ اس اعزاز کو زندگی بھر یاد رکھیں گی۔انہوں نے مزید کہا کہ وہ سیاست میں قدم رکھنا نہیں چاہتی ہیں کیونکہ ان کا مقصد اولمپکس میں گولڈ میڈل جیتنا ہے، جس کے لیے وہ سخت محنت کریں گی۔
منو بھاکر نے نوجوانوں پر زور دیا کہ وہ تعلیم کے ساتھ ساتھ کھیلوں پر بھی توجہ دیں اور ملک کے لیے تمغے جیتنا اپنا مقصد بنائیں۔ ونیش پھوگاٹ کیس پر منو بھاکر نے کہا کہ ونیش کا جذبہ ایک فائٹر جیسا رہا ہے، ونیش کو سبق سیکھنا چاہیے اور میڈل جیتنے کے لیے دوبارہ میدان میں اترنا چاہیے۔
Charkhi Dadri: Manu Bhaker, who won bronze medals in two Olympic events, was warmly welcomed in her ancestral town of Charkhi Dadri.
— IANS (@ians_india) August 26, 2024
During the ceremony, she emphasized that while she deeply appreciates the honor, her focus remains on winning a gold medal at the Olympics.… pic.twitter.com/y3r2MTsrPi
چرخی دادری میں منعقد اعزازی تقریب میں سابق وزیر ستپال سنگوان اور بی جے پی لیڈر ببیتا پھوگاٹ، سابق ایم ایل اے رنویر منڈولا، سابق ایم ایل اے کرنل رگھوبیر چھلر سمیت کئی سیاست دانوں نے شرکت کی۔
منو بھاکر نے پیر اولمپکس کی کارکردگی کے متعلق کہا کہ کانسی کے تمغے تک کا خواب خوشگوار رہا، اب محنت کی مدد سے سونے کا تمغہ جیت کر ہی خواب پورا کروں گی۔ اس سے قبل اتوار کو اپنے گاؤں گوریا میں صحافیوں سے بات کرتے ہوئے منو بھاکر نے کہا تھا کہ وہ بالی ووڈ میں جانے کا ارادہ نہیں کر رہی ہیں۔ اس وقت ان کی پوری توجہ کھیلوں پر ہے۔
آپ کو بتاتے چلیں کہ منو بھاکر نے پیرس اولمپکس 2024 میں 10 میٹر ایئر پسٹل اور 10 میٹر مکسڈ ڈبلز میں کانسی کا تمغہ جیت کر تاریخ رقم کی ہے۔ وہ ایک ہی اولمپکس میں دو تمغے جیتنے والی پہلی بھارتی کھلاڑی ہیں۔
