بنگلورو: آئی پی ایل 2024 کا 68 واں میچ رائل چیلنجرز بنگلور اور چنئی سپر کنگز کے درمیان میچ بنگلورو کے ایم چناسوامی اسٹیڈیم میں کھیلا جائے گا۔ یہ میچ جیت کر دونوں ٹیمیں پلے آف میں جگہ بنانا چاہیں گی۔ اس میچ میں چنئی سپر کنگز کی قیادت ریتو راج گائیگواڈ کے ہاتھوں ہوگی جبکہ آر سی بی کی کمان فاف ڈو پلیسس سنبھالیں گے
اس سیزن میں اب تک بنگلورو اور چنئی کا سفر
اس سیزن میں آر سی بی نے اب تک کل 13 میچ کھیلے ہیں۔ اس نے 6 میچ جیتے اور 7 میں اسے شکست کا سامنا کرنا پڑا۔ اس وقت آر سی بی کے 12 پوائنٹس ہیں اور وہ لیگ ٹیبل میں آٹھویں پوزیشن پر ہے جبکہ چنئی سپرکنگز 13 مچوں میں چھ شکست اور سات جیت کی بدولت 14 پوائنٹ کے ساتھ چوتھے مقام پر
چنئی بمقابلہ بنگلورو
آر سی بی اور سی ایس کے کے درمیان اب تک 32 میچ کھیلے جا چکے ہیں۔چنئی سپر کنگز نے 21 میچ جیتے ہیں جبکہ رائل چیلنجرز بنگلور کو صرف 10 میچوں میں کامیابی ملی ہے ۔ان دونوں ٹیموں کے درمیان ایک میچ بھی بے نتیجہ رہا ہے۔
آر سی بی کی طاقت
وراٹ کوہلی بنگلور کی طاقت بنے ہوئے ہیں۔ وہ اس سیزن میں بلے سے کافی رنز بنا رہے ہیں۔ انہوں نے ایک سنچری اور 5 نصف سنچریوں کی مدد سے 661 رنز بنائے ہیں۔ وہ آئی پی ایل 2024 میں سب سے زیادہ رنز بنانے والے بلے باز ہیں۔
یہ بھی پڑھیں:لکھنو نے ممبئی انڈینز کو 18 رنوں سے شکست دی - IPL 2024
وراٹ کے علاوہ فاف ڈو پلیسس، رجت پاٹیدار اور کیمرون گرین سے رنز بنانے کی توقع ہوگی۔ آل راؤنڈر ول جیکس کے جانے سے ٹیم کو بڑا دھچکا لگا ہے۔ بنگلورو کی کمزوری اس کی گیند بازی ہے ۔جس کا فائدہ سی ایس کے کے بلے باز اس کرو یا مرو میچ میں اٹھانا چاہیں گے۔
