حیدرآباد:ہندوستان کے سابق اسپنر پرگیان اوجھا پرامید ہیں کہ قومی ٹیم میں شامل تیز گیندباز ہرشیت رانا آئندہ دورہ سری لنکا میں ڈیبیو کریں گے۔
اوجھا نے ای ٹی وی بھارت کے ساتھ بات چیت کے دوران کہاکہ میں کہوں گا کہ ہرشیت رانا ایک بہترین کھلاڑی ہیں۔ ان کے پاس جو ہنر ہے، ہندوستان ان کی خدمات سے فائدہ اٹھائے گا۔ میں اسے (ون ڈے میں) کھیلتے ہوئے دیکھنا چاہوں گا کیونکہ اس نے جس طرح سے پورے آئی پی ایل سیزن میں بولنگ کی، میں واقعی پرجوش ہوں اور اسے کھیلتے ہوئے دیکھنے کا منتظر ہوں۔
37 سالہ بائیں ہاتھ کے سابق اسپنر، جنہوں نے 24 ٹیسٹ، 18 ون ڈے اور 6 ٹی ٹوئنٹی کھیلے ہیں، رانا کی کارکردگی سے متاثر ہیں۔ انہوں نے کہا کہ میں ہرشیت کے لیے نیک تمناؤں کا اظہار کرتا ہوں۔ انہوں نے کہاکہ اس کی مہارت کا تعلق ہے، اس کی ذہنیت کا تعلق ہے، وہ بہت اچھا ہے اور وہ اپنی (باؤلنگ) کے بارے میں واضح ہے۔ اوجھا، جنہوں نے 113 ٹیسٹ وکٹیں حاصل کی ہیں، کہا کہ، "اگر آپ مجھ سے ذاتی طور پر پوچھیں تو میں انہیں کھیلتا دیکھنا چاہوں گا۔
رانا گھریلو سرکٹ میں دہلی کے لیے کھیلتے ہیں اور 7 میچوں میں 28 وکٹیں حاصل کر چکے ہیں۔ انہوں نے نے 2024 کے سیزن میں آئی پی ایل چیمپیئن کولکتہ نائٹ رائیڈرز (کے کے آر) کے لیے شاندار کارکردگی کا مظاہرہ کیا۔ تیز گیند باز جسپریت بمراہ کی غیر موجودگی میں وہ جلد ہی انڈیا کی جرسی پہن سکتے ہیں۔
یہ بھی پڑھیں:ٹیم انڈیا ٹی 20 اور ون ڈے سیریز کے لیے ہیڈ کوچ گمبھیر کے ساتھ سری لنکا پہنچی
فیلڈنگ کوچ ٹی دلیپ کے علاوہ ہیڈ کوچ گوتم گمبھیر اور سپورٹ اسٹاف کے دیگر ارکان کا بھی یہ پہلا دورہ ہوگا۔ اوجھا نے کہا کہ ٹیم کی کارکردگی کے مطابق سپورٹ اسٹاف کا جائزہ لیا جائے گا۔ انہوں نے کہاکہ ایک وجہ ہے کہ ہم انہیں سپورٹ اسٹاف کہتے ہیں۔ یہ لوگ ہمیشہ ایک سپورٹ سسٹم کے طور پر کام کریں گے۔
