چنئی: ہنگری کے دارالحکومت بوڈاپیسٹ میں 45ویں شطرنج اولمپیاڈ کے فائنل راؤنڈ میں بھارتی مردوں کی ٹیم نے سلووینیا کو اور خواتین کی ٹیم نے آذربائیجان کو شکست دے کر دو گولڈ میڈل جیت کر تاریخ رقم کردی۔
بھارت نے اس سے قبل 2014 اور 2022 میں دو کانسی کے تمغے جیتے تھے، کووڈ-19 وبائی امراض کے دوران منعقدہ 2020 کے آن لائن اولمپیاڈ میں بھارت کو روس کے ساتھ سونے کا تمغہ شیئر کیا گیا تھا۔ اس طرح شطرنج اولمپیاڈ کی 90 سالہ تاریخ میں پہلی بار بھارتی ٹیم نے کوئی گولڈ میڈل جیتنے میں کامیاب رہا ہے۔
لیکن شطرنج اولمپیاڈ 2024 میں بھارتی مرد اور خواتین کی ٹیم نے سونے کے تمغے جیت کر تاریخ رقم کر دی۔ ٹورنامنٹ میں بھارت نے بطور ٹیم کے علاوہ چار انفرادی طور پر بھی گولڈ میڈل جیتنے میں کامیاب رہا۔ اس کے بعد وزیر اعظم، تمل ناڈو کے وزیر اعلی، وزیر کھیل نے بھارتی شطرنج ٹیم کو مبارکباد دی۔
#WATCH | Tamil Nadu: Brother-sister duo Praggnanandhaa and Vaishali Rameshbabu, who were part of the Indian men's and women's chess teams, receive a warm welcome at the Chennai airport
— ANI (@ANI) September 23, 2024
Indian men's and women's teams clinched their maiden gold medals in the 45th Chess Olympiad on… pic.twitter.com/J3ReSTfG0Z
اب مردوں کی شطرنج اولمپیاڈ ٹیم میں حصہ لینے والے پرگیانند، خواتین کی ٹیم میں حصہ لینے والی ویشالی اور بھارتی شطرنج اولمپیاڈ ٹیم کے کپتان سری ناتھ وطن واپس پہنچ گئے ہیں۔ چنئی ایئرپورٹ پر ان کھلاڑیوں کا تمل ناڈو کی اسپورٹس ڈیولپمنٹ اتھارٹی نے پرتپاک استقبال کیا۔
اس کے بعد بھارتی شطرنج اولمپیاڈ ٹیم کے کپتان سری ناتھ نے میڈیا سے بات کرتے ہوئے کہا کہ یہ بڑے فخر کی بات ہے کہ ہندوستانی مردوں اور خواتین کی ٹیم نے 45ویں شطرنج اولمپیاڈ میں پہلی بار طلائی تمغہ جیتا ہے۔ ہم نے بہت زیادہ اسکور سے کامیابی حاصل کی ہے۔ ہم پہلے ہی روس کے ساتھ گولڈ میڈل جیت چکے ہیں۔ لیکن اب ہم نے تنہا گولڈ میڈل جیتا ہے۔ جو یہ ظاہر کرتا ہے کہ ہندوستان بہترین ٹیم ہے۔
ویشالی نے کہا کہ میں بہت خوش ہوں۔ پچھلی بار ہم نے چنئی میں منعقد شطرنج اولمپیاڈ میں کانسی کا تمغہ جیتا تھا۔ اُس وقت گولڈ میڈل نہ جیت پانا بہت افسوسناک تھا۔ لیکن اب میں گولڈ میڈل جیت کر بہت خوش ہوں۔ ہندوستانی مردوں کی ٹیم نے سب سے زیادہ پوائنٹس کے فرق سے جیت حاصل کی ہے۔ لیکن خواتین ٹیم نے ایک میچ ہارا اور بقیہ دو میچ جیتنے میں کامیاب رہی۔
🇮🇳 India makes HISTORY by clinching gold in both the Open and the Women's sections in the 45th #ChessOlympiad.
— International Chess Federation (@FIDE_chess) September 22, 2024
📷 Stev Bonhage pic.twitter.com/lyeU75SHYu
پرگنانند نے میڈیا سے بات کرتے ہوئے کہا کہ چنئی میں گزشتہ شطرنج اولمپیاڈ میں ہم گولڈ میڈل سے محروم رہے۔ اس بار زیادہ پوائنٹس کے ساتھ جیتنا بہت اچھا محسوس ہو رہا ہے۔ کھیلے گئے تمام میچ مشکل تھے۔ ٹاپ رینک والی ٹیم یو ایس اے کو شکست دینے کے بعد ہمارے ملک کے لیے گولڈ میڈل یقینی بنانا قابل فخر لمحہ ہے، ہم سب کا شکریہ ادا کرتے ہیں۔
گوکیش ڈوماراجو نے کہا کہ آخری بار ہم چنئی میں منعقد شطرنج اولمپیاڈ کے آخری راؤنڈ میں امریکہ سے ہار گئے تھے۔ اس بار ہم نے سمجھداری سے کھیلا اور اسی وجہ سے ہم انہیں (امریکہ) کو شکست دینے میں کامیاب رہے۔ مردوں اور خواتین دونوں زمروں میں سونے کے تمغے جیتنا ایک بہترین لمحہ ہے۔ ہم اولمپیاڈ میں کئی بار ناکام ہو چکے ہیں۔ چنئی میں ہونے والے میچ میں بھی ہمیں شکست کا منہ دیکھنا پڑا تھا۔
گوکیش نے مزید کہا کہ انفرادی ایونٹ میں گولڈ جیتنا ایک اضافی خوشی تھی۔ ہم مردوں اور عورتوں دونوں زمروں میں مسلسل محنت کر رہے ہیں۔ جس کا نتیجہ یہ نکلا کہ اب ہم گولڈ میڈل جیتنے میں کامیاب ہوگئے۔ یہ ہندوستانی ٹیم کی مشترکہ کوششوں کی جیت ہے۔
