پیرس: پیرس اولمپکس کے تیسرے دن بھارت نے اپنا دوسرا تمغہ کھو دیا ہے۔ کوالیفکیشن راؤنڈ میں ساتویں مقام پر رہنے والے ارجن ببوتا 10 میٹر ایئر رائفل انفرادی فائنل راونڈ میں چوتھے مقام پر رہے۔ جس کی وجہ سے وہ کوئی بھی میڈل نہیں حاصل کر سکے۔ ارجن ببوتا 0.9 کے فرق سے میڈل سے محروم رہے۔
Another great fight in his first Olympic final by our man from Chandigarh👏🔥🇮🇳#TeamIndia #IndianShooting #Olympics #Paris2024 pic.twitter.com/MoIhj8LR9D
— NRAI (@OfficialNRAI) July 29, 2024
اس سے قبل بھارتی شوٹر رمیتا جندال 10 میٹر ایئر رائفل خواتین کے ایونٹ میں تمغہ حاصل کرنے میں ناکام ہوگئیں تھیں۔ انھوں نے فائنل راونڈ میں ساتویں پوزیشن حاصل کی جس کی وجہ سے بھارت کو وہ کوئی بھی میڈل نہیں دلا سکیں۔
لیکن 10 میٹر ایئر پسٹل مکسڈ ٹیم ایونٹ میں منو بھاکر اور سربجوت سنگھ نے بھارت کو خوشی کا موقع فراہم کیا اور کانسے کے تمغے کے لیے کوالیفائی کر لیا ہے۔ جس سے بھارت کو ان سے میڈل کی امیدیں بڑھ گئی ہے۔
Can be proud our girl after a top quality final. Fantastic Olympic debut 👏🔥🇮🇳#ParisOlympics2024 #Shooting #IndianShooting pic.twitter.com/qSzVM1pyJx
— NRAI (@OfficialNRAI) July 29, 2024
قابل ذکر ہے گزشتہ روز خواتین کے دس میٹر ایئر پسٹل میں منو بھاکر نے بھارت کو پہلا تمغہ دلایا تھا۔ انھوں نے فائنل راونڈ میں تیسری پوزیشن حاصل کی تھیں، جس کی وجہ سے انھوں نے کانسے کے تمغے پر قبضہ کرکے تاریخ رقم کردی۔
بھارت کو اب اولمپکس گیمز کے تیسرے دن تیر اندازی میں مردوں کی ٹیم سے امیدیں وابستہ ہیں۔ تیر اندازی میں مردوں کی ٹیم (تروندیپ رائے، دھیرج بومادیورا، پروین جادھو) کا کوارٹر فائنل میچ کا بھارتی وقت کے مطابق شام 5:45 بجے کھیلا جائے گا۔ اگر یہ ٹیم کوارٹر فائنل جیت جاتی ہے تو پھر یہ ٹیم فائنل راؤنڈ میں داخل ہو جائے گی۔
