نئی دہلی: ٹی ٹوئنٹی ورلڈ کپ 2024 کے پہلے سیمی فائنل میں جنوبی افریقہ نے افغانستان کو 9 وکٹوں سے شکست دےکر فائنل میں جگہ بنالی۔ ٹاس جیت کر پہلے بیٹنگ کرنے کا فیصلہ کرتے ہوئے افغانستان کی ٹیم محض 56 رنز پر سمٹ گئی۔ افریقہ کے لئے یہ ہدف اتنا تھا کہ اس نے صرف 1 وکٹ کے نقصان پر حاصل کرلیا۔ اس فتح کے ساتھ ہی جنوبی افریقہ ٹی 20 ورلڈ کپ 2024 کے فائنل میں پہنچ گیا ہے۔ جنوبی افریقہ نے 56 رن کا چھوٹا سا ہدف صرف 8.5 اوورز میں حاصل کر لیا۔
A dominant display with the ball puts South Africa through to the Men's #T20WorldCup Final for the very first time 👌
— ICC (@ICC) June 27, 2024
📝 #SAvAFG: https://t.co/iy7sMxLlqY pic.twitter.com/Ep8VzuVMiE
افغانستان نے ٹاس جیت کر پہلے بیٹنگ کرنے کا فیصلہ کیا جو اس کو بہت مہنگا ثابت ہوا۔ افغانستان کی ٹیم جنوبی افریقہ کی تیز باؤلنگ کا سامنا نہیں کرپائی اور اس کے وکٹ یکے بعد دیگرے گرتے چلے گئے اور پوری ٹیم صرف 56 رنز پر ڈھیر ہو گئی۔ کوئی بھی افغان بلے باز 10 رنز سے زیادہ نہ بنا سکا۔ صرف عظمت اللہ عمرزئی ڈبل فیگرز کو چھونے والے واحد بلے باز تھے۔
افغانستان کی جانب سے 3 بلے باز رحمان اللہ گرباز، محمد نبی اور نور احمد کھاتہ کھولے بغیر آؤٹ ہوئے۔ اس کے علاوہ ابراہیم زدران، ننگیلیا کھروٹے، نوین الحق اور فضل حق فاروقی 2،2 رنز بنانے کے بعد پویلین لوٹ گئے۔ کریم جنت اور راشد خان نے 8،8 رنز بنائے جب کہ گلبدین نائب 9 رنز بنانے کے بعد آؤٹ ہوئے۔
یہ بھی پڑھیں:
