پلوامہ: مرکز کے زیر انتطام یوٹی جموں و کشمیر کے ضلع پلوامہ میں ضلع انتظامیہ کی جانب سے کوڑا کرکٹ کو سائنسی طریقے سے نمٹانے کے لئے سولڈ ویسٹ منصوبہ کا اعلان کیا۔گیا۔ اس منصوبے کی تکمیل کے لیے زور شور سے کام جاری ہے۔ ذرائع کے مطابق محمکہ بلدیات کی جانب سے قصبہ پلوامہ نکلنے والے کوڑا کرکٹ کو قصبہ کے سرکلر روڈ پر جمع کیا جاتا ہے جس کی وجہ سے یہ عام راہگیروں کے ساتھ مقامی آبادی کاروباریوں کے لیے پریشانی کا باعث بن رہا ہے۔ اس گندگی سے نمٹنے کے لیے ضلع انتظامیہ پلوامہ نے نیوہ پلوامہ میں سالڈ ویسٹ مینجمنٹ پروجیکٹ پر تعمیراتی کام شروع کیا۔ پراجیکٹ پر تعمیراتی کام تقریباً 4 ماہ قبل شروع کیا گیا۔ اس منصوبے پر تقریباً 80 فیصد کام مکمل ہو چکا ہے۔ رواں سال کے اپریل کے آخر تک اس منصوبے کے مکمل ہونے کے امکانات ہیں۔
یہ بھی پڑھیں: Ganderbal solid waste management plant گاندربل کا سالڈ ویسٹ منیجمنٹ پلانٹ غیر فعال
ایگزیکٹو انجینئر آر اینڈ بی جاوید احمد ڈار نے کہا کہ منصوبے پر کام شدومد سے جاری ہے۔ یہ منصوبہ اپریل کے آخر تک مکمل ہو جائے گا۔ انہوں نے مزید کہا کہ پراجیکٹ پر تقریباً 80 فصدی کام مکمل ہوا ہے اور پراجیکٹ کو جلد مکمل کرکے انتظامیہ کے حوالے کر دیا جائے گا۔
