گاندربل: گاندربل ضلع کے لار علاقے میں ریچھ کے حملے میں ایک 50 سال شخص زخمی ہو گیا۔ جس کی وجہ سے علاقے میں خوف و ہراس کا ماحول پیدا ہو گیا۔ اطلاعات کے مطابق لار علاقے میں اس وقت خوف و ہراس کا ماحول پیدا ہو گیا جب ایک نزدیکی کھیت میں اچانک ایک سیاہ ریچھ نمودار ہوا جس نے موقع پر جارہے ایک شخص پر حملہ کیا جس سے وہ شدید زخمی ہو گیا۔ اس کی شناخت وسیم احمد ولد مجید مائیما بہار کے رہنے والی کی حیثیت سے کی گئی ہے۔ اس موقع پر مقامی لوگوں نے شور مچایا جس سے ریچھ وہاں سے بھاگ گیا۔
وسیم کو خون میں لت پت حالت میں ڈسٹرکٹ اسپتال گاندربل لے جایا گیا جہاں سے ڈاکٹروں نے اسے مزید علاج کے لیے سکمر صورہ منتقل کر دیا ہے۔ جہاں اس کا علاج جاری ہے۔ بعد ازاں وائڈ لائف ڈیپارٹمنٹ موقع پہ آ کر ریچھ کی تلاش شروع کر دی ہے۔ وائڈ لائف ڈیپارٹمنٹ نے لوگوں سے اپیل کی ہے کہ وہ باغوں میں صبح اور شام کو جانے سے گریز کریں اور دن میں اپنے ساتھ کسی کو لے جائیں تاکہ کوئی حادثہ پیش نہ آئے۔ واضح رہے کہ وادیٔ کشمیر کے بیشتر جنگلاتی علاقوں میں اس طرح کے واقعات پیش آتے رہتے ہیں جہاں کچھ افراد کی جان بھی جا چکی ہے۔
یہ بھی پڑھیں:
پونچھ میں ریچھ نے لی خاتون کی جان - Poonch Bear Attack
